ନୂଆଦିଲ୍ଲୀ : ପବଜୀକୁ ବଜାରକୁ ଆଣିଥିବା କମ୍ପାନୀ କ୍ରାଫ୍ଟନ ଏବେ ଆଉ ଏକ ଗେମ୍ ନେଇଆସିଛି । ବିଜିଏମଆଇ ପରେ ଏବେ କମ୍ପାନୀ Garuda Saga ନାମକ ଏକ ଗେମର ଘୋଷଣା କରିଛି । ଏହାର ପୂର୍ବ-ପଞ୍ଜୀକରଣ ଆରମ୍ଭ ହୋଇଯାଇଛି । ଏହି ମୋବାଇଲ ଗେମକୁ ଭାରତୀୟ ବିଷୟବସ୍ତୁ ଉପରେ ପ୍ରସ୍ତୁତ କରାଯାଇଛି । ଖେଳାଳୀଙ୍କୁ ଏଥିରେ ରୋମାଞ୍ଚକର ଖେଳର ଅନୁଭବ ମିଳିବ ।
କ୍ରାଫ୍ଟନ ଏହି ଗେମକୁ Alchemist Games ସହିତ ମିଶି ପ୍ରସ୍ତୁତ କରିଛି । ଏଥିରେ ଅନେକ ସ୍ତର ରହିଛି । ଖେଳାଳୀ ଏଥିରେ ଗରୁଡ ଭୂମିକାରେ ଖେଳିବେ । ଏଥିରେ ୧୯ ପର୍ଯ୍ୟାୟ ରହିଛି । ଗରୁଡ ପାଖରେ କେବଳ ତାର ଧନୁ ତୀର ରହିଛି ଯାହାକୁ ବ୍ୟବହାର କରି ଖେଳାଳୀ ହିରୋ ଭାବେ ଖେଳିବେ । ଖେଳ ଧିରେ ଧିରେ ଆଗକୁ ବଢିବା ସହ ଗରୁଡର ଶକ୍ତି ଓ ଦକ୍ଷତା ବଢି ବଢି ଚାଲିବ । ଆଗକୁ ମୁକାବିଲା ମଧ୍ୟ ଅଧିକ ବଢିବ, ଯାହାକୁ ଗରୁଡ ସାମ୍ନା କରିବ ।
ଏଥିରେ କମ୍ପାନୀ ତରଫରୁ ଉତ୍ତମ ଗ୍ରାଫିକ୍ସ ମିଳିବା ସହିତ ଖେଳାଳୀ ଏହାକୁ ଉପଭୋଗ କରିପାରିବେ । ଏହାକୁ ଉଭୟ ଗୁଗଲ ଏବଂ ଆପଲ ବ୍ୟବହାରକାରୀ ଡାଉନଲୋଡ କରିପାରିବେ । ପୂର୍ବ-ପଞ୍ଜୀକରଣ କରିଥିବା ବ୍ୟବହାରକାରୀଙ୍କୁ କିଛି ସ୍ବତନ୍ତ୍ର ପୁରସ୍କାର ମଧ୍ୟ ମିଳିବ । ଗେମ୍ ସହିତ କିଛି ଭିନ୍ନ ଷ୍ଟାର୍ଟର ପ୍ୟାକ୍ ମଧ୍ୟ ଦିଆଯାଏ । ଏହି ସମସ୍ତ ସୁବିଧା କେବଳ ଭାରତୀୟ ଖେଳାଳୀଙ୍କ ପାଇଁ ଉପଲବ୍ଧ ହେବ ।
Comments are closed.