ଭୁବନେଶ୍ୱର: କିମ୍ସରେ ପୀଡ଼ା ଉପଶମ ସେବା କ୍ଲିନିକ୍ (ପାଲିଏଟିଭ୍ କେୟାର କ୍ଲିନିକ୍) ଆରମ୍ଭ ହୋଇଛି। ଏହି କ୍ଲିନିକ୍ରେ କର୍କଟ ରୋଗୀମାନଙ୍କୁ ବିଭିନ୍ନ ପ୍ରକାର ସେବା ଯୋଗାଇ ଦିଆଯିବ। ଏହି କ୍ଲିନିକ୍ କର୍କଟ ରୋଗୀଙ୍କ ଚିକିତ୍ସା ସହ ସେମାନଙ୍କର ଶାରୀରିକ ଓ ମନସ୍ତାତ୍ତ୍ୱିକ ଦିଗରେ ଉନ୍ନତି ଆଣିବାରେ ସହାୟକ ହେବ। ଏହା ମଧ୍ୟ ଗୁରୁତର କର୍କଟ ରୋଗୀଙ୍କ ପୀଡ଼ା ଉପଶମ ସହ ଶରୀର ଓ ମସ୍ତିିଷ୍କ ଲକ୍ଷଣରେ ସହାୟକ ହେବ। ଏହି ଉପଶମକାରୀ ପ୍ରକ୍ରିୟାରେ କର୍କଟ ରୋଗୀଙ୍କ ପରିବାର ସେବାଯତ୍ନକାରୀ ମଧ୍ୟ ଅଂଶ ଗ୍ରହଣ କରିପାରିବେ।
ଉପଶମକାରୀ କ୍ଲିନିକ୍ରେ ବହିର୍କର୍କଟ ରୋଗୀଙ୍କୁ ଅଭିଜ୍ଞ ଡାକ୍ତର, ନର୍ସ ଓ ଅନ୍ୟ ବିଶେଷଜ୍ଞ ଦ୍ୱାରା ସେବା ଯତ୍ନ ଯୋଗାଇ ଦିଆଯିବ। କିମ୍ସ ରେଡିଓ ଥେରାପି ବିଭାଗର ମୁଖ୍ୟ ତଥା କିମ୍ସ କର୍କଟ ରୋଗ କେନ୍ଦ୍ରର ନିର୍ଦ୍ଦେଶକ ଡା. ବିଧୁ କୁମାର ମହାନ୍ତି ଏବଂ କିମ୍ସର ବିଶିଷ୍ଟ ପୀଡ଼ା ଉପଶମ ବିଶେଷଜ୍ଞ ଡା. ରାଜେନ୍ଦ୍ର କୁମାର ସାହୁଙ୍କ ଭଳି ଦକ୍ଷ ଓ ଅଭିଜ୍ଞ ବିଶେଷଜ୍ଞ ଏହି ଡାକ୍ତରୀ ଦଳରେ ସାମିଲ ହୋଇଛନ୍ତି। ଏହି ଟିମ୍ କର୍କଟ ରୋଗର ଚିକିତ୍ସା କରିବା ସହ କର୍କଟ ରୋଗୀଙ୍କ ଜୀବନ ମାନରେ ଉନ୍ନତି ଆଣିବା ପାଇଁ ରୋଗୀଙ୍କ ପୀଡ଼ା ଉପଶମ, ଶାରୀରିକ ଲକ୍ଷଣ ଏବଂ ମନସ୍ତାତ୍ତ୍ୱିକ ଯତ୍ନ ଉପରେ ଦୃଷ୍ଟି ଦେବେ। କର୍କଟ ରୋଗ ଭଳି ଗୁରୁତର ରୋଗରେ ଆକ୍ରାନ୍ତ ରୋଗୀ ଯେଉଁମାନେ ଉପଶମକାରୀ ସେବା ଯତ୍ନ ପାଉଛନ୍ତି, ସେମାନେ ଓ ସେମାନଙ୍କ ପରିବାରର ସେବାଯତ୍ନକାରୀ ସେମାନଙ୍କ ଦୈନନ୍ଦିନ ଜୀବନରେ ଡାକ୍ତରୀ ଓ ସାମାଜିକ ଉପକାର ପାଇପାରୁଥିବା ଦେଖିବାକୁ ମିଳୁଛି।
