୫ଦିନ ପରେ ମିଳିଲା ଓମ୍‍ ପ୍ରକାଶ ରଥଙ୍କ ମୃତଦେହ

ଖୋର୍ଦ୍ଧା: ତାପଙ୍ଗ ଗଭୀର ଖଣି ପାଣିରୁ ନିଖୋଜ ଛାତ୍ର ଓମ୍‍ ପ୍ରକାଶ ରଥଙ୍କ ଗଳିତ ମୃତଦେହ ଉଦ୍ଧାର ହୋଇଛି । ନିଖୋଜ ହେବାର ୫ଦିନ ପରେ ଆଜି ସକାଳେ ଓମ୍‍ ପ୍ରକାଶଙ୍କ ମୃତଦେହ ଉଦ୍ଧାର କରିଛି ଅଗ୍ନିଶମ ବାହିନୀ । ଗତ ସୋମବାର ଦିନ ତାପଙ୍ଗ ଖଣି ଅଞ୍ଚଳକୁ ବୁଲିବାକୁ ଯାଇଥିବା ବେଳେ ସେଠାରେ ଓମ ପ୍ରକାଶ ରିଲ୍ସ କରିବା ବେଳେ ତଳକୁ ଛସିପଡିଥିଲେ । ଏହାପରେ ତାଙ୍କର କୌଣସି ପତ୍ତା ମିଳିନଥିଲା । ଓମ ପ୍ରକାଶଙ୍କୁ ଠାବ କରିବା ପାଇଁ ଉଦ୍ଧାର କାର୍ଯ୍ୟରେ ଲାଗିଥିଲେ ଏନଡିଆରଏଫ୍‍, ନାଭାଲ ଟିମ୍‍ ସହ ରାଉରକେଲା ଏନଆଇଟିର ରୋବଟ୍‍ । ବହୁ ଖୋଜା ଖୋଜି ପରେ ଶେଷରେ ଶୁକ୍ରବାର ସକାଳେ ତାଙ୍କ ମୃତଦେହ ଠାବ ହୋଇଛି । ମୃତଦେହ ମିଳିବା ପରେ ଓମ୍‍ ପ୍ରକାଶଙ୍କ ପରିବାର ଲୋକଙ୍କୁ ଖବର ଦେଇଛି ପୁଲିସ । ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ।