ଭୁବନେଶ୍ବର: ବନ୍ଧୁ ଘରେ କଳାକନା ବୁଲାଇଲା ବନ୍ଧୁ। ଖଣ୍ଡଗିରି ଥାନା ଡୁମୁଡୁମା ଫେଜ-୧ରେ ଚୋରି ଘଟଣାର ପର୍ଦ୍ଦାଫାଶ ହୋଇଛି। ଅଭିଯୁକ୍ତ ବନ୍ଧୁଙ୍କୁ ଗିରଫ ସହ ୧୦୬ ଗ୍ରାମ ସୁନା ଜବତ। ସିସିଟିଭି ଫୁଟେଜରୁ ସାଙ୍ଗ ଚୋରି କରିଥିବା ଜଣାପଡ଼ିଥିଲା। ବନ୍ଧୁ ପରିବାରରେ କେହି ନଥିବାର ସୁଯୋଗ ନେଇ ବନ୍ଧୁ କଳାକନା ବୁଲାଇଦେଲା । ଲୁଟ ପରେ ସୁନା ଅଳଙ୍କାର ଧରି ଘଟଣାସ୍ଥଳରୁ ଚମ୍ପଟ ମାରିଥିଲା। ଅଭିଯୋଗକାରୀ ଅଭିଜିତ ବେହେରାଙ୍କ ଏତଲା ଅନୁଯାୟୀ ଗତ ୫ ତାରିଖ ସକାଳ ୬ଟା ସମୟରେ ସେ ନିଜ ଘର ଚାବିକୁ ଘର ବାହାରେ ଏକ ଛତା ଭିତରେ ରଖି ଲିଙ୍ଗରାଜ ମନ୍ଦିର ଯାଇଥିଲେ। ଦିନ ପ୍ରାୟ ୨ ଟା ବେଳେ ସେଠାରୁ ଫେରି ଆସିବା ପରେ ଖଟ ଉପରେ ଜୁଏଲାରୀର କିଛି ଅଂଶ ପଡିଛି। ଆଲମିରାରୁ ସମସ୍ତ ଗହଣା ଓ ଅଳଙ୍କାର ଲୁଟ ହୋଇଥିବା ସେ ଜାଣିବାକୁ ପାଇଥିଲେ।।
ଏହାପରେ ତାଙ୍କ ଘରୁ ଲୁଟ ହୋଇଥିବା ନେଇ ସେ ଖଣ୍ଡଗିରି ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇବା ପରେ ପୁଲିସ ସିସିଟିଭି ଯାଞ୍ଚ କରିଥିଲା। ସିସିଟିଭି ଆଧାରରେ ପୁଲିସ ଅଭିଯୁକ୍ତକୁ ଧରିବାରେ ସଫଳ ହୋଇଛି। ଅଭିଯୁକ୍ତ ହେଉଛି ଡୁମୁଡୁମା ଫେଜ ୨ର ସନ୍ଦୀପ ଦାସ ଏବଂ ଅଭିଯୋଗକାରୀଙ୍କ ସେ ସାଙ୍ଗ ବୋଲି ତଦନ୍ତ ବେଳେ ପୁଲିସ ଜାଣିବାକୁ ପାଇଥିଲା। ଉଭୟ ବନ୍ଧୁ ହୋଇଥିବା କାରଣରୁ କେଉଁଠି ଚାବି ରୁହେ ତାହା ଜାଣି ଥିଲା ଅଭିଯୁକ୍ତ, ତାର ଫାଇଦା ଉଠାଇ କେହି ନଥିବା ବେଳେ କଳା କନା ବୁଲାଇଥିଲା। ପୁଲିସ ହାତରେ ଧରାପଡ଼ିବା ପରେ ଲୁଚାଇ ରଖିଥିବା ସୁନା ଅଳଙ୍କାରକୁ ପୁଲିସକୁ ଅଭିଯୁକ୍ତ ଦେଇଛି।
Comments are closed.