କେସିଙ୍ଗା : କେସିଙ୍ଗା ଏନ୍ଏସି ଜଗନ୍ନାଥ ପଡାରେ ରବିବାର ବିଳମ୍ବିତ ରାତିରେ ଜଣେ ବ୍ୟବସାୟୀଙ୍କ ଘରୁ ସଶସ୍ତ୍ର ଡକାୟତି ହୋଇଛି। ପରିବାର ବର୍ଗଙ୍କୁ ମାରଣାସ୍ତ୍ର ଦେଖାଇ ଭୟଭୀତ କରାଇ ଡକାୟତ ମାନେ ନଗଦ ଟଙ୍କା ସହ ସୁନା ଲୁଟ୍ କରିଛନ୍ତି।
ମିଳିଥିବା ସୂଚନା ଅନୁସାରେ କେସିଙ୍ଗା ଜଗନ୍ନାଥ ପଡାରେ ରହୁଥିବା ବ୍ୟବସାୟୀ ସୁବାଷ ଅଗ୍ରୱାଲଙ୍କ ଘରୁ ଡକାୟତି ହୋଇଥିବା କେସିଙ୍ଗା ଥାନାରେ ଅଭିଯୋଗ ହୋଇଛି। ସୁଭାଷ ଘରେ ପରିବାର ବର୍ଗଙ୍କ ସହ ଶୋଇଥିବା ବେଳେ ରାତି ପ୍ରାୟ ୨ ଟାରେ ଡକାୟତ ମାନେ ଘର ପଛପଟୁ ତାଙ୍କ ରୋଷେଇ ଘର ଦେଇ ଘର ଭିତରକୁ ପଶିଥିଲେ। ପରେ ପରିବାର ବର୍ଗଙ୍କୁ ମାରଣାସ୍ତ୍ର ଦେଖାଇ ଭୟଭୀତ କରାଇ ସମସ୍ତଙ୍କୁ ବାନ୍ଧି ଦେଇଥିଲେ। ଏହାପରେ ଘରୁ ନଗଦ ୬ ଲକ୍ଷ ଟଙ୍କା ସହ ସୁନା ଅଳଙ୍କାର ଧରି ଫେରାର ହୋଇ ଯାଇଥିଲେ। ସିସିଟିଭି ଲାଗିଥିବାରୁ କ୍ୟ।ମେରା ଗୁଡିକୁ ଢାଙ୍କି ଦିଆଯାଇଥିବା ଦେଖିବାକୁ ମିଳିଛି। ସିସିଟିଭିର ହାର୍ଡଡିକ୍ସକୁ ମଧ୍ୟ ଡକାୟତମାନେ ନେଇ ଯାଇଥିବା ଜଣା ପଡିଛି। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ସାଇଣ୍ଟିଫିକ ଦଳ ମଧ୍ୟ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି।
Comments are closed.