ପାଟଣା: କେନ୍ଦୁଝର ଜିଲା ସାହାରପଡା ବ୍ଲକ ଦିଗିପଶି ପଞ୍ଚାୟତ ଅସନବଣି ପ୍ରାଥମିକ ବିଦ୍ୟାଳୟରେ କବାଟ ତାଡି ଚାଉଳ ଖାଇଲେ ହାତୀପଲ । ମଙ୍ଗଳବାର ବିଳମ୍ବିତ ରାତିରେ ହାତୀପଲ ବିଦ୍ୟାଳୟ ର କବାଟ ତାଡ଼ି ମଧ୍ୟାହ୍ନ ଭୋଜନ ଚାଉଳ ଖାଇ ଦେଇଥିବା ଜଣାପଡିଛି । ସାହାରପଡା ଫରେଷ୍ଟ ସେକ୍ସନରେ ଏବେ ୧୭ ଟିକିଆ ହାତୀପଲ ବିଭିନ୍ନ ସ୍ଥାନରେ ଉପଦ୍ରବ କରୁଛନ୍ତି । ମଙ୍ଗଳବାର ରାତି ପାଖାପାଖି ୧ଟା ସମୟରେ ସେଥିରୁ ୫ ଟି ହାତୀ ବିଦ୍ୟାଳୟରେ ପଶି ପାଖାପାଖି ୩ କୁଇଣ୍ଟାଲ ମଧ୍ୟାହ୍ନ ଭୋଜନ ଚାଉଳ ଖାଇ ଦେଇଛନ୍ତି । ଘଟଣା ଜଣାପଡିବା ପରେ କ୍ଷତିପୂରଣ ପାଇଁ ସ୍କୁଲର ପ୍ରଧାନଶିକ୍ଷକ ବନ ବିଭାଗକୁ ଅବଗତ କରାଇବେ ବୋଲି ସୂଚନା ମିଳିଛି ।
Comments are closed.