କେନ୍ଦୁଝରଗଡ : କେନ୍ଦୁଝର ଟାଉନ ଥାନା ଅଧିନ ୨୦ନଂ ଜାତୀୟ ରାଜପଥ କେନ୍ଦୁଝର ବାଇପାସରେ ହିଲ ଭ୍ୟୁ ହୋଟେଲ ନିକଟରେ ଥିବା ଏକ ଟାୟାର ଦୋକାନର ଚଳିତମାସ ୭ ତାରିଖ ୨୪ଟି ଟ୍ରକ ଟାୟାର ଓ ୨ଟି ବୋଲେରୋ ଟାୟର ଚୋରି ହୋଇଥିବା ନେଇ ଟାୟାର ଦୋକାନ ମାଲିକ ଠାକୁରପାଟଣା ଗ୍ରାମର ଚକ୍ରଧର ସାହୁ ଥାନାରେ ଅଭିଯୋଗ କରିଥିଲେ। ତଦନ୍ତକାରୀ ଅଧିକାରୀ ଟାଉନ ଥାନା ଏଏସ୍ଆଇ ଅନାମ ମହାନ୍ତ ଏହି ମାମଲାରେ ତଦନ୍ତକରି ଅନଗୁଳ ଜିଲା ଖମାର ଥାନା ଅଧିନ ଖମାର ଗ୍ରାମର ମହମ୍ମଦ ସାହାବୁଦ୍ଦିନଙ୍କୁ ବୁଧବାର ଗିରଫ କରିବା ସହ ତାଙ୍କ ନିକଟରୁ ସମସ୍ତ ଚୋରି ଟାୟାର ମଧ୍ୟ ଜବତ କରିବାକୁ ସକ୍ଷମ ହୋଇଛନ୍ତି। ଏହି ଘଟଣାରେ ସମ୍ପୃକ୍ତ ଅନଗୁଳ ଜିଲା ବଅଁରପାଳ ଥାନା ଅଞ୍ଚଳର ନୂଆହାଟ ଗ୍ରାମର ଗଣେଶ ସାହୁ ଫେରାର ଥିବାବେଳେ ତାକୁ ମଧ୍ୟ ଖୁବ୍ ଶିଘ୍ର ଗିରଫ ନେଇ ଉଦ୍ୟମ ଜାରି ରହିଥିବା ତଦନ୍ତକାରୀ ଅଧିକାରୀ ଶ୍ରୀ ମହାନ୍ତ କହିଛନ୍ତି।
Comments are closed.