କେନ୍ଦ୍ରାପଡ଼ା : କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ସମଲପୁର ଗ୍ରାମରେ ଜଣେ ମହିଳାଙ୍କୁ ଗାଁଦାଣ୍ଡରେ ଉଲଗ୍ନ କରାଯାଇ ମାଡ଼ ମରାଯାଇଥିବା ନେଇ ସଦର ଥାନାରେ ଅଭିଯୋଗ ହୋଇଛି। ଗ୍ରାମର କେତେକ ଯୁବକ ବିନା କାରଣରେ ମହିଳାଙ୍କ ଘର ସମ୍ମୁଖକୁ ଆସି ତାଙ୍କୁ ଗାଳିଗୁଲଜ କରିଥିଲେ। ମହିଳା ଜଣଙ୍କ ଏହାର ପ୍ରତିବାଦ କରିବାରୁ ତାଙ୍କୁ ଉଲଗ୍ନ କରାଯାଇ ମାଡ ମରାଯାଇଛି। ଏହାସହ ତାଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ତାଙ୍କ ଚୁଟି ଘୋଷାରି ମାରିଥିଲେ। ମହିଳାଙ୍କ ମୁଣ୍ଡ, ହାତ, ପେଟରେ କ୍ଷତ ହୋଇଛି। ଅଭିଯୋଗ ପରେ ପୁଲିସ ମହିଳାଙ୍କୁ ଉଦ୍ଧାର କରିବା ସହ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି। ଆକ୍ରମଣ ନେଇ ମହିଳା ଜଣକ କହିଛନ୍ତି ଯେ, ପୂର୍ବ ଶତ୍ରୁତାକୁ ନେଇ ଏଭଳି ଆକ୍ରମଣ କରିଛନ୍ତି। ବିଭିନ୍ନ କାରଣ ନେଇ ଅଭିଯୁକ୍ତମାନେ ପୂର୍ବରୁ ଶତ୍ରୁତା କରି ଆସୁଥିଲେ। ହେଲେ ଏବେ ଏଭଳି ମରଣାନ୍ତକ ଆକ୍ରମଣ କରିଛନ୍ତି। ଏତଲାରେ ମହିଳା ଜଣକ ୧୦ଜଣଙ୍କ ନାଁରେ ଅଭିଯୋଗ ଆଣିଛନ୍ତି।
Popular Categories
Previous article
Next article