ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା। ଏହି ଦିନ ପବିତ୍ର ନଦୀରେ ସ୍ନାନ କରାଯାଇ ଦୀପ ଦାନର ବିଶେଷ ମହତ୍ତ୍ବ ରହିଛି। କାର୍ତ୍ତିକ ପୂର୍ଣ୍ଣିମା ଦିନ ନଦୀରେ ଡଙ୍ଗା ଭସାଇବାର ବିଶେଷ ପରମ୍ପରା ରହିଛି। ଲୋକମାନେ ପାହାନ୍ତାରୁ ନଦୀ କୂଳକୁ ଯାଇ ସ୍ନାନ ସାରି ଡଙ୍ଗା ଭସାଇଥାନ୍ତି। ଏହା ପରେ ମନ୍ଦିରରେ ଠାକୁରଙ୍କ ଦର୍ଶନ କରି ଘରକୁ ଫେରିଥାନ୍ତି। ଏହି ଦିନ ଗରିବଙ୍କୁ ଦାନ କରିବା ଦ୍ବାରା ବିଭିନ୍ନ ସମସ୍ୟା ଦୂର ହେବା ସହ ପୁଣ୍ୟ ପ୍ରାପ୍ତି ହୋଇଥାଏ ବୋଲି ବିଶ୍ବାସ ରହିଛି।
ପୂର୍ଣ୍ଣିମା ଦିନର ସୂର୍ଯ୍ୟ ଦେଖିବା ପୂର୍ବରୁ ସ୍ନାନସାରି ଡଙ୍ଗା ଭସାଇବା ବେଳେ ଉଚ୍ଚାରଣ କରିବେ: ଆ-କା-ମା-ବୈ ପାନଗୁଆ ଥୋଇ, ପାନଗୁଆ ତୋର, ମାସକ ଧରମ ମୋର। ଏହା କହିବା ସହ ଦୀପ ଜାଳି, ପାନଗୁଆ ଥୋଇ, ଧର୍ମଡଙ୍ଗାକୁ ବନ୍ଦାପନା କରି ହ୍ରଦ, ନଦୀ, ପୁଷ୍କରିଣୀରେ ଭସାଇ ଦିଅନ୍ତି। ଆ-କା-ମା-ବୈ ଅର୍ଥାତ୍- ଆଷାଢ, କାର୍ତ୍ତିକ, ମାର୍ଗଶିର ଓ ବୈଶାଖ ଏପରି ପୁଣ୍ୟ ଚାରିମାସକୁ ବୁଝାଇଥାଏ।
ପ୍ରାତଃକାଳରେ ସ୍ନାନ କରିବା ପୂର୍ବରୁ ସଙ୍କଳ୍ପ ନିଅନ୍ତୁ।
ପରେ ସ୍ନାନ ସାରି ସୂର୍ଯ୍ୟ ଦେବତାଙ୍କୁ ଅର୍ଘ୍ୟ ଅର୍ପଣ କରନ୍ତୁ।
ଧଳା ରଙ୍ଗର ସଫା ବସ୍ତ୍ର ଧାରଣ କରନ୍ତୁ।
ନଦୀ କୂଳରେ ଦୀପ ଦାନ କରିବା ସହ ନିଜ ସାମର୍ଥ୍ୟ ଅନୁଯାୟୀ ଦାନ କରନ୍ତୁ।
Comments are closed.