ପଟୌଦି ବେଗମ୍ କରୀନା କପୁର ଖାନ୍ ନିକଟରେ ପୁଅ ତୈମୁରର ଜନ୍ମଦିନ ଦକ୍ଷିଣ ଆଫ୍ରିକାରୁ ଧୁମଧାମରେ ପାଳନ କରି ଫେରିବା ପରେ ପୁଣି ନୂଆ ବର୍ଷ ଛୁଟିରେ ଲଣ୍ଡନ ଯାତ୍ରା କରିଛନ୍ତି। ସ୍ବାମୀ ସୈଫ୍ ଓ ପୁଅ ତୈମୁରଙ୍କ ସହ ଲଣ୍ଡନରେ ସେ ୯ଦିନ ରହିବେ ବୋଲି ଜଣାପଡ଼ିଛି। କରୀନା କପୁର ଅଭିନୀତ ‘ବିରେ ଦି ୱେଡିଂ’ ଚଳଚ୍ଚିତ୍ର ଚଳିତ ବର୍ଷ ମୁକ୍ତିଲାଭ କରିଥିଲା। ଯଦିଓ ତାଙ୍କ ହାତରେ ଏବେ କରନ୍ ଜୋହର୍ ପ୍ରଯୋଜିତ ‘ତଖ୍ତ’ ଚଳଚ୍ଚିତ୍ର ଅଛି, ଆଉ ଅଧିକ କାମ ନେବାକୁ ସେ ଆଦୌ ଆଗ୍ରହୀ ନୁହନ୍ତି। କାରଣ ହେଲା ପୁଅ ତୈମୁରକୁ ସେ ଯଥେଷ୍ଟ ସମୟ ଦେବାକୁ ଚାହୁଁଛନ୍ତି। ନିକଟରେ ସଲମାନ୍ ଖାନ୍ଙ୍କ ସହ କରୀନାଙ୍କୁ ଏକ ଚଳଚ୍ଚିତ୍ରରେ ଅଭିନୟ କରିବାର ଅଫର୍ ଆସିଥିଲା। ବିଶ୍ବର ପ୍ରମୁଖ ୯ଟି ରାଷ୍ଟ୍ରରେ ଚଳଚ୍ଚିତ୍ରର ସୁଟିଂ କରାଯାଇଥାନ୍ତା, ତେବେ କରୀନା ଏହି ଅଫର୍ ଗ୍ରହଣ କରିନାହାନ୍ତି। କାରଣ ୨ ବର୍ଷର ପୁଅ ତୈମୁରକୁ ନେଇ ସେ ରୀତିମତ ଯାତ୍ରା କରିବାକୁ ଉଚିତ୍ ମଣିନାହାନ୍ତି। କରୀନା ଏହା ମଧ୍ୟରେ ଅନେକ ଥର ସ୍ବୀକାର କଲେଣି ଯେ ତାଙ୍କ ପୁଅ ବହୁତ ଦୁଷ୍ଟ। ଏଣୁ ଜଣେ ମା’ ଭାବେ ସେ ଏବେଠାରୁ ସତର୍କ ରହିବାକୁ ଚାହୁଁଛନ୍ତି। କିଛି ଦିନ ତଳେ ସୈଫ୍ ଏକ ସାକ୍ଷାତକାର୍ରେ କହିଥିଲେ, ତୈମୁର ଏଇ ଦୁଷ୍ଟାମି ଦେଖି ସେ ମଧ୍ୟ ବ୍ୟତିବ୍ୟସ୍ତ ହୋଇଯାନ୍ତି। ଭଉଣୀ ସୋହାର କୁନି ଝିଅ ଇନାୟାକୁ ମଧ୍ୟ ତୈମୁର ହଇରାଣ କରେ। ନିଜ ବେଗମ୍ଙ୍କ ବାବଦରେ ସୈଫ୍ କହିଥିଲେ କରୀନା ଓ ତାଙ୍କ ଭାଇ ରଣବୀର କପୁର ହେଲେ ବଲିଉଡର ସୂଚନା ମନ୍ତ୍ରୀ। ଦୁହିଁଙ୍କ ପାଖରେ ସବୁ କଳାକାରଙ୍କ ବାବଦରେ ଟିକିନିଖି ଖବର ଥାଏ। ଭାଇଭଉଣୀ ନିୟମିତ ଫୋନ୍ରେ କଥା ହୋଇ ଏସବୁ ଆଲୋଚନା କରିଥାନ୍ତି ବୋଲି ହସିହସି କହିଥିଲେ ନବାବ୍ ସୈଫ୍।
Popular Categories
Previous article
Next article