କଣ୍ଟାବାଞ୍ଜି: ରାଷ୍ଟ୍ରୀୟ ଆବିଷ୍କାର ଅଭିଯାନ ଆନୁକୁଲ୍ୟରେ ଗୋଷ୍ଠୀ ଶିକ୍ଷା କାର୍ୟ୍ୟାଳୟ ତୁରେକେଲା ସହଯୋଗିତାରେ ବ୍ଲକ ରେ ଥିବା ୧୧ଟି କ୍ଳଷ୍ଟର ରୁ ଜଣେ ଲେଖାଏ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ଏହି କୁଇଜ ପ୍ରତିଯୋଗିତାରେ ବ୍ଳକ ଶିକ୍ଷା ଅଧିକାରୀ ସୁରେନ୍ଦ୍ର କୁମାର ପୁରୋହିତ ଓ ଫକିର ଚରଣ ବିଶି ଯୋଗଦେଇ ପ୍ରତିଯୋଗିତାରେ ସଫଳତା ପାଇବା ପାଇଁ କଠିନ ଅଧ୍ୟବସାୟ ଜାରି ରଖିବା ଆବଶ୍ୟକ ବୋଲି ପ୍ରକାଶ କରିଥିଲେ। ବିଭିନ୍ନ କ୍ଳଷ୍ଟର ସିଆରସିସି ଅମର ବାଗ, ଗୁରୁପ୍ରସାଦ ଛତ୍ରୀଆ, ଦିନେଶ ମହାନନ୍ଦ, ପ୍ରେମରାଜ ପାଣିଗ୍ରାହୀ, ଧନସିଂ ମାଝୀ, ଭବାନୀ ଶଙ୍କର ବେହେରା ପ୍ରମୁଖ ଯୋଗଦେଇଥିଲେ। ଏହାସହ ଶିକ୍ଷକ ପ୍ରକାଶ କୁମାର ମେହେର, ଗଜେନ୍ଦ୍ର ବହିବନ ମଧ୍ୟ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ।
କୁଇଜ ପ୍ରତିଯୋଗିତାରେ ବିଜୟ ହାସଲ କରିଥିବା ଛାତ୍ର ଛାତ୍ରୀଙ୍କ ନାମ ଘୋଷଣା କରାଯାଇଥିଲା। ସେମାନଙ୍କ ମଧ୍ୟରେ ପ୍ରଥମ ସ୍ଥାନ ଲର୍କି ଉପ୍ରା ବିଦ୍ୟାଳୟର ପ୍ରୱାନ ମେହେର, ଦ୍ବିତୀୟ ସ୍ଥାନରେ ମହଖଣ୍ଡ ଉପ୍ରା ବିଦ୍ୟାଳୟର ଆଲୋକ ପୁଟେଲ, ତୃତୀୟ ସ୍ଥାନରେ କଣ୍ଟାବାଞ୍ଜି ନୋଡ଼ାଲ ସ୍କୁଲର ପ୍ରେତେସ ଦୀପ ସଫଳ ହାସଲ କରିଥିଲେ। ସଫଳତା ହାସଲକରିଥିବା ଛାତ୍ର ଛାତ୍ରୀମାନଙ୍କୁ ରାଷ୍ଟ୍ରୀୟ ଆବିଷ୍କାର ଅଭିଯାନ ତରଫରୁ ପୁରସ୍କାର ସହିତ ମାନପତ୍ର ପ୍ରଦାନ କରାଯାଇଥିଲା।
