ମୁମ୍ବାଇ : କଂଗ୍ରେସ ନେତା ରାହୁଲ ଗାନ୍ଧୀ ଭାରତୀୟ ସେନା ଓ ଭାରତ-ସୀମା ବିବାଦରେ ଦେଇଥିବା ମନ୍ତବ୍ୟକୁ ନେଇ ସୁପ୍ରିମକୋର୍ଟ ଏହାର ଭର୍ତ୍ସନା କରିଛନ୍ତି । ସର୍ବୋଚ୍ଚନ୍ୟାୟାଳୟ ଗଭୀର ଅସନ୍ତୁଷ୍ଟ ହେବା ପରେ ବିଜେପି ସାଂସଦ ତଥା ବଲିଉଡ୍ ଅଭିନେତ୍ରୀ କଙ୍ଗନା ରାଣାବତ ମଧ୍ୟ ରାହୁଲ ଗାନ୍ଧୀଙ୍କୁ ତୀବ୍ର ସମାଲୋଚନା କରିଛନ୍ତି । କଙ୍ଗନା ରାହୁଲ ଗାନ୍ଧୀଙ୍କ ଉପରେ ‘ଦେଶ ବିରୋଧୀ ଚିନ୍ତାଧାରା’ ଓ ‘ଶତ୍ରୁ ଦେଶକୁ ସହଯୋଗ କରିବା’ ନେଇ ଅଭିଯୋଗ କରିଛନ୍ତି । ଜାଣନ୍ତୁ ସମ୍ପୂର୍ଣ୍ଣ ମାମଲା.. କ’ଣ କହିଛନ୍ତି କଙ୍ଗନା..
ରିପୋର୍ଟ ଅନୁସାରେ କଙ୍ଗନା କହିଛନ୍ତି, ରାହୁଲ ଗାନ୍ଧୀ ସର୍ବଦା ଭାରତ ବିରୁଦ୍ଧରେ କୁହନ୍ତି । ତାହା ଅର୍ଥ ବ୍ୟବସ୍ଥା ହେଉ କିମ୍ବା ସୈନ୍ୟ । ସେ ଶତ୍ରୁ ଦେଶକୁ ସମର୍ଥନ କରି ଥାନ୍ତି । ତାଙ୍କର ମାନସିକତା ଭାରତ ବିରୋଧୀ । ତେଣୁ ସୁପ୍ରିମକୋର୍ଟଙ୍କ ଏଭଳି କରିବା ସ୍ୱାଗତଯୋଗ୍ୟ । ଭବିଷ୍ୟତରେ ଧ୍ୟାନ ଦେବା ଜରୁରୀ ଯେ ଭାରତର ସମ୍ମାନ, ଅଖଣ୍ଡତା ଓ ମନୋବଳକୁ ଆଘାତ ନ ଦିଅନ୍ତୁ ।
ଆଉ ଅଳ୍ପ ଦିନ.. ବୃହସ୍ପତିଙ୍କ ନକ୍ଷତ୍ର ପରିବର୍ତ୍ତନ, ଏହି ୩ ରାଶିଙ୍କୁ ମିଳିବ ବଡ ଲାଭ, ହେବ ବିବାହ, ଚମକିବ ଭାଗ୍ୟ..
ରାହୁଲ ଗାନ୍ଧୀ ୧୬ ଡିସେମ୍ବର ୨୦୨୨ରେ ତାଙ୍କ ‘ଭାରତ ଯୋଡୋ ଯାତ୍ରା’ ସମୟରେ ଏକ ସାମ୍ବାଦିକ ସମ୍ମିଳନୀରେ କହିଥିଲେ, “ଚୀନ ୨୦୦୦ ବର୍ଗ କିଲୋମିଟର ଭାରତୀୟ ଭୂମି ଦଖଲ କରିଛି, ୨୦ ଜଣ ସୈନିକଙ୍କୁ ହତ୍ୟା କରିଛି ଏବଂ ଅରୁଣାଚଳରେ ଆମର ସୈନିକଙ୍କୁ ମାଡ଼ ମାରିଛି। କିନ୍ତୁ ଭାରତୀୟ ଗଣମାଧ୍ୟମ ଏହାକୁ ପ୍ରଶ୍ନ କରେ ନାହିଁ।” ସୁପ୍ରିମକୋର୍ଟ ଏହି ବକ୍ତବ୍ୟକୁ ଦାୟିତ୍ୱହୀନ ବୋଲି ଦର୍ଶାଇ ରାହୁଲଙ୍କୁ ଭର୍ତ୍ସନା କରିଥିଲେ।
ସୁପ୍ରିମକୋର୍ଟର ବିଚାରପତି ଜଷ୍ଟିସ୍ ଦୀପଙ୍କର ଦତ୍ତା ଏବଂ ଜଷ୍ଟିସ୍ ଅଗଷ୍ଟିନ ଜର୍ଜ ମାସିହ ରାହୁଲଙ୍କ ବୟାନ ଉପରେ ପ୍ରଶ୍ନ ଉଠାଇଥିଲେ। କୋର୍ଟ ପଚାରିଥିଲେ, “ଆପଣ କିପରି ଜାଣିଲେ ଯେ ଚୀନ୍ ୨୦୦୦ ବର୍ଗ କିଲୋମିଟର ଭୂମି ଦଖଲ କରିଛି? ଆପଣଙ୍କ ପାଖରେ କ’ଣ ପ୍ରମାଣ ଅଛି? ଯଦି ଆପଣ ଜଣେ ସଚ୍ଚା ଭାରତୀୟ, ତେବେ ସୀମାରେ ଉତ୍ତେଜନା ସମୟରେ ଆପଣ ଏହା କହିବେ ନାହିଁ।” କୋର୍ଟ ଏହା ମଧ୍ୟ କହିଛନ୍ତି ଯେ ରାହୁଲ ସଂସଦରେ ଏସବୁ କଥା ଉଠାଇବା ପରିବର୍ତ୍ତେ ସୋସିଆଲ ମିଡିଆରେ କାହିଁକି କହିଥିଲେ? କୋର୍ଟ ବିଶ୍ୱାସ କରୁଥିଲେ ଯେ ଏପରି ବୟାନ ଦେଶର ମନୋବଳକୁ ଭାଙ୍ଗିପାରେ।
ସୁପ୍ରିମକୋର୍ଟର ଏହି ମନୋଭାବରେ କଙ୍ଗନା କହିଛନ୍ତି, “ଏହା ଏକ ବହୁତ ଭଲ ନିଷ୍ପତ୍ତି। ସୁପ୍ରିମକୋର୍ଟ ରାହୁଲଙ୍କୁ ଏକ ଶିକ୍ଷା ଦେଇଛନ୍ତି। ଏହା ଅନ୍ୟମାନଙ୍କୁ ଦେଶର ସମ୍ମାନ, ଏକତା ଏବଂ ମନୋବଳକୁ ଆଘାତ ନ ଦେବା ପାଇଁ ସଚେତନ କରିବ।” କଙ୍ଗନା ଆହୁରି କହିଛନ୍ତି, “ରାହୁଲ ଗାନ୍ଧୀ ବୁଝିବା ଉଚିତ ଯେ ଦେଶର ସମ୍ମାନ ସର୍ବୋପରି। ତାଙ୍କର ଏପରି ବକ୍ତବ୍ୟ ଭାରତର ପ୍ରତିଛବିକୁ କ୍ଷତି ପହଞ୍ଚାଏ। ସୁପ୍ରିମକୋର୍ଟର ଏହି ପଦକ୍ଷେପ ଏକ ଚେତାବନୀ ଯେ କୌଣସି ନେତା ଦେଶର ସ୍ୱାର୍ଥ ବିରୁଦ୍ଧରେ କିଛି କହିବା ଉଚିତ୍ ନୁହେଁ।
ଦେଖନ୍ତୁ ଭିଡିଓ; ବାଘ ପାଟିରୁ ନିଜ ଛୁଆ ବାଛୁରୀକୁ କେମିତି ରକ୍ଷା କଲା ଗାଈ..
