ସୁଶାନ୍ତ ସିଂହ ରାଜପୁତ ସନ୍ଦିଗ୍ଧ ମୃତ୍ୟୁ ମାମଲା ଏବେ ଗୌଣ ହୋଇ ଯାଇଛି । ଏବେ ଅଭିନେତ୍ରୀ କଙ୍ଗନା ରଣାୱତ ଓ ମହାରାଷ୍ଟ୍ର ସରକାରଙ୍କ ମଧ୍ୟରେ ବିବାଦ ଦେଶବ୍ୟାପୀ ବିତର୍କ ସୃଷ୍ଟି କରିଛି । ଏହାକୁ ଗୁରୁତ୍ବ ନ ଦେବାକୁ ଯାଇ ମହାରାଷ୍ଟ୍ରର ଉଦ୍ଧବ ଠାକରେ ସରକାର ଏତେ ଗୁରୁତ୍ବ ଦେଇଛନ୍ତି ଯେ ଏହି ଅଡ଼ୁଆ ସୂତ୍ରରେ ନିଜେ ଛନ୍ଦି ହୋଇ ଯାଇଛନ୍ତି । ଯଦିଓ କଙ୍ଗନାଙ୍କ ବିରୋଧରେ ‘‘ଶିବସେନା’’ ମାର୍କା ଆକ୍ରମଣ ପରିବର୍ତ୍ତେ ‘ଶରଦ ପାୱାର’ ମାର୍କା କାର୍ଯ୍ୟାନୁଷ୍ଠାନ ହୋଇଛି । ତଥାପି ସମାଲୋଚନାର ଶରବ୍ୟ ହୋଇଛନ୍ତି ଉଦ୍ଧବ । ଏହି ପ୍ରସଙ୍ଗରେ ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାବିଶ୍ କଡ଼ା ଶବ୍ଦରେ ଉଦ୍ଧବଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି ଯେ କଙ୍ଗନାଙ୍କ ପ୍ରସଙ୍ଗ କିଛି ବଡ଼ ନ ଥିଲା, ଏହାକୁ ଆପଣ ବଡ଼ ପ୍ରସଙ୍ଗରେ ପରିଣତ କରିଦେଲେ । ଆପଣ ତାଙ୍କର ଘର ଭାଙ୍ଗିଦେଲେ । ମାତ୍ର ଯେତେବେଳେ ଦାଉଦର ଭିଣ୍ଡି ବିଜାର ଘର ଭାଙ୍ଗିବା କଥା ଆସିଥିଲା ସେତେବେଳେ ମାନବସମ୍ବଳ ଅଭାବ ଦର୍ଶାଇ ଏହି ଘରକୁ ଭଙ୍ଗାଯିବାରୁ ଏଡ଼ାଇ ଦିଆଗଲା । ମାତ୍ର କଙ୍ଗନାଙ୍କ ଘର ଭାଙ୍ଗିବା ବେଳକୁ ବହୁତ ଲୋକ ମିଳିଗଲେ ବୋଲି ଶ୍ରୀ ଫଡ଼ନାବିଶ୍ କହିଛନ୍ତି ।
କଙ୍ଗନା ମାମଲାରେ ‘ଦାଉଦ୍’ ପ୍ରସଙ୍ଗ: ମୁଖ୍ୟମନ୍ତ୍ରୀ ଉଦ୍ଧବଙ୍କୁ ନିଶାଣ କଲେ ଫଡ଼ନାବିଶ୍
Popular Categories
Previous article
Next article