କାଠମାଣ୍ଡୁ : ବିଶ୍ବର ସର୍ବୋଚ୍ଚ ଶୃଙ୍ଗ ଏଭରେଷ୍ଟ ଆରୋହଣ କରିବାରେ ନେପାଳୀ ପର୍ବତାରୋହୀ କାମି ରିଟା ନୂଆ ରେକର୍ଡ ସୃଷ୍ଟି କରିଛନ୍ତି। କାମି ରିଟା ରବିବାର ୨୯ଥର ପାଇଁ ଏଭରେଷ୍ଟ ଶିଖରରେ ପହଞ୍ଚି ଏଭଳି କୃତିତ୍ବର ଅଧିକାରୀ ହୋଇପାରିଛନ୍ତି। ୫୪ ବର୍ଷୀୟ ଏହି ପର୍ବତାରୋହୀ ଗତବର୍ଷ ୮୮୪୮.୨୮ ମିଟର ଉଚ୍ଚ ଏଭରେଷ୍ଟ ଆରୋହଣ କରି ନିଜର ୨୮ଥରର ରେକର୍ଡ ସୃଷ୍ଟି କରିଥିଲେ। ଏହି ଅବସରରେ ନେପାଳ ପର୍ଯ୍ୟଟନ ବିଭାଗ ପକ୍ଷରୁ କାମି ରିଟାଙ୍କୁ ଅଭିନନ୍ଦନ ଜ୍ଞାପନ କରାଯାଇଛି। ଆଗକୁ ସେ ଏଭରେଷ୍ଟ ଆରୋହଣ ଅଭିଯାନ ଜାରି ରଖିବେ ବୋଲି କହିଛନ୍ତି। ନେପାଳର ‘ଏଭରେଷ୍ଟ ମ୍ୟାନ୍’ ଭାବେ ପରିଚିତ କାମି ରିଟା ବିଶ୍ବର ଅନ୍ୟତମ ଶ୍ରେଷ୍ଠ ପର୍ବତାରୋହୀ ଭାବେ ପରିଚିତ।
Comments are closed.