ଗାଁରେ ମାଙ୍କଡ଼ ଦୌରାତ୍ମ୍ୟ; ଚିନ୍ତାରେ ଗ୍ରାମବାସୀ

କାମାକ୍ଷାନଗର: କାମାକ୍ଷାନଗର ବ୍ଲକ ତଥା ପଶ୍ଚିମାଞ୍ଚଳ ରେଞ୍ଜ ଅନ୍ତର୍ଗତ କନ୍ତିଓ ପୁଟସାହି ଗାଁରେ ଗତ କିଛିଦିନ ଧରି ମାଙ୍କଡ଼ ପଲଙ୍କ ଉତ୍ପାତ ଲାଗି ରହୁଥିବାରୁ ସଂପୃକ୍ତ ଗ୍ରାମବାସୀ ମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି  l କନ୍ତିଓପୁଟସାହି ଗାଁରେ ଗତ କିଛି ଦିନ ଧରି ମାଙ୍କଡ଼ ପଲ ସେମାନଙ୍କର ଦୌରାତ୍ମ୍ୟ ଜାରି ରଖିଛନ୍ତି । ଗାଁରେ ଥିବା ବାଡ଼ି ବଗିଚା ନଷ୍ଟ କରି ଆସୁଛନ୍ତି l ଗାଁରେ ୮୦ପ୍ରତିଶତ ଅଧିବାସୀ ଚାଷ ଉପରେ ନିର୍ଭର କରୁଥିବା ବେଳେ ମାଙ୍କଡ଼ଙ୍କ ଦୌରାତ୍ମ୍ୟ ବର୍ତ୍ତମାନ ଅସହ୍ୟ ହୋଇ ପଡ଼ିଲାଣି l

ଦୁଇ ମୁଠା ଦାନା ପାଇଁ ଏ କି ଦୁଃଖ; ଦେଖନ୍ତୁ ବ୍ୟକ୍ତି ଜଣଙ୍କ ସଂଘର୍ଷର ଭିଡିଓ

ଖାଲି ସେତିକି ନୁ​‌ହେଁ ଗୋଟିଏ ପାଗଳ ମାଙ୍କଡ ଲୋକମାନଙ୍କ ଚିନ୍ତା ବଢ଼ାଇଛି l  ଏ ସଂକ୍ରାନ୍ତରେ ଜଙ୍ଗଲ ବିଭାଗକୁ ଖବର ଦେଲେ ମଧ୍ୟ କୋଣସି କର୍ମଚାରୀ ଗାଁକୁ ଯାଉ ନଥିବାର ଗ୍ରାମବାସୀ ଅଭିଯୋଗ କରିଛନ୍ତି l ତେବେ ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଗୁରୁତ୍ୱ ଦେଇ ମାଙ୍କଡ଼ମାନଙ୍କୁ ଘଉଡ଼ାଇବା ଦିଗରେ ପଦକ୍ଷେପ ନେବାକୁ ଗ୍ରାମବାସୀ ମାନଙ୍କ ପକ୍ଷରୁ ଦାବି କରାଯାଇଛି l