କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଜଣେ ଅଜଣା ଯୁବକଙ୍କ ମୃତ୍ୟୁ ଘଟିଛି। ଗୁରୁବାର ଦିନ ରହିତ ଗନ୍ତାୟତ ନାମକ ବ୍ୟକ୍ତି ଜଣେ ଅଜଣା ଯୁବକ ଅସୁସ୍ଥ ହୋଇଥିବାରୁ ତାକୁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଚିକିତ୍ସାଧୀନ ତାଙ୍କର ମୃତ୍ୟୁ ଘଟିଛି। ଯୁବକଙ୍କ ପରିଚୟ ନ ମିଳିବାରୁ ସ୍ୱାସ୍ଥ୍ୟ ବିଭାଗ ପକ୍ଷରୁ ସ୍ଥାନୀୟ ପୁଲିସକୁ ସୂଚନା ଦିଆଯାଇଥିଲା। ସ୍ୱାସ୍ଥ୍ୟ କେନ୍ଦ୍ରରେ ଥାନା ଏସଆଇ ଶିବ ପ୍ରସାଦ ସାହୁ ପରିଚୟ ପାଇବା ପାଇଁ ମୃତ ବ୍ୟକ୍ତିଙ୍କ ଫଟୋ ଉତ୍ତୋଳନ କରି ବିଭିନ୍ନ ଥାନା ଓ ବିଭିନ୍ନ ଗ୍ରୁପକୁ ପଠାଇଛନ୍ତି। ଯୁବକର ପରିଚୟ ମିଳିଲେ ମୃତଦେହ ପରିବାରକୁ ହସ୍ତାନ୍ତର କରାଯିବ। ନଚେତ ରାୟଗଡ଼ା ଶବ ଗୃହରେ କିଛି ଦିନ ରଖି ଶବ ସତ୍କାର କରାଯିବ ବୋଲି ପୁଲିସ କହିଛି। ଖବର ଲେଖା ହେବା ସୁଦ୍ଧା ମୃତ ବ୍ୟକ୍ତିଙ୍କ କୌଣସି ପରିଚୟ ମିଳିପାରିନାହିଁ।
Comments are closed.