କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ନିଳକଣ୍ଠେଶ୍ୱର ମଟର ୱାର୍କର ୟୁନିୟନ ପକ୍ଷରୁ ଷ୍ଟେରିଙ୍ଗ ଛାଡ଼ ଆନ୍ଦୋଳନରେ ସାମିଲ ପାଇଁ ସ୍ଥାନୀୟ ପୁଲିସକୁ ଲିଖିତ ଅଭିଯୋଗ ପତ୍ର ପ୍ରଦାନ କରାଯାଇଛି। ଆଜି ମଟର ୱାର୍କର ୟୁନିୟନର ସଭାପତି ଗଜେନ୍ଦ୍ର ଗରଡ଼ିଆଙ୍କ ନେତୃତ୍ୱରେ ନାରାୟଣପୁର ପଞ୍ଚାୟତର ଶିବ ମନ୍ଦିର ପ୍ରାଙ୍ଗଣରେ ଥିବା କଲ୍ୟାଣ ମଣ୍ଡପଠାରେ ସମସ୍ତେ ଏକତ୍ରିତ ହୋଇ ବୈଠକ କରିଥିଲେ। ସେହିଠାରୁ ବାଇକ ଶୋଭାଯାତ୍ରାରେ ଆସି ଥାନାରେ ଏକ ଲିଖିତ ଅଭିଯୋଗ ଥାନା ଅଧିକାରୀ ମୁକୁନ୍ଦଦେବ ନାୟକଙ୍କ ଉପସ୍ଥିତିରେ ଏଏସଆଇ ଅଶୋକ କୁମାର ନାୟକଙ୍କୁ ପ୍ରଦାନ କରିଛନ୍ତି । ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ସମ୍ବଲପୁରଠାରୁ ଭୁବନେଶ୍ୱର ନବୀନ ନିବାସ ପର୍ଯ୍ୟନ୍ତ ଦଣ୍ଡବତ ଯାତ୍ରା କରାଯାଉଛି । ୨୦୨୧ ମସିହା ଅଗଷ୍ଟ ୨୯ ତାରିଖ ଦିନ ମହାସଂଘ ପକ୍ଷରୁ ଓଡ଼ିଶା ସରକାରଙ୍କୁ ୯ଦଫା ଦାବିପତ୍ର ପ୍ରଦାନ କରାଯାଇଥିଲା । ତାହା ଦୀର୍ଘ ଦିନ ଧରି ଦାବି ପୂରଣ ନହେବା ଯୋଗୁଁ ଉକ୍ତ ଦଣ୍ଡବତ ଯାତ୍ରା ଆୟୋଜନ କାରାଯାଇଛି । ତେଣୁ ଓଡ଼ିଶା ଡ୍ରାଇଭର ମହାସଂଘ ଡାକରା ଆସିଲେ ଉକ୍ତ ବ୍ଲକର ସମସ୍ତ ଡ୍ରାଇଭର ଭାଇମାନେ ଷ୍ଟେରିଙ୍ଗ ଛାଡି ଆନ୍ଦୋଳନରେ ଯୋଗଦେବୁ ବୋଲି ଉଲ୍ଲେଖ କରିଛନ୍ତି । ଏଥିରେ ସଂଘର ସଭାପତି ଗଜେନ୍ଦ୍ର ଗରଡ଼ିଆ, ରାମ ପ୍ରସାଦ ପାଢ଼ୀ, ମଧୁସୁନ୍ଦର କୌଶଲ୍ୟା, ନାଗା ଭୂଷଣ ତାଡିଙ୍ଗିଙ୍କ ସମେତ ସମସ୍ତ ଡ୍ରାଇଭର ଉପସ୍ଥିତ ରହିଥିଲେ ।
Comments are closed.