କଲ୍ୟାଣସିଂହପୁ: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ମାଝୀଗୁଡା ପଞ୍ଚାୟତ ସଦର ମହକୁମାଠାରେ ହେଉଥିବା ସାପ୍ତାହିକ ହାଟରେ ସ୍ୱାସ୍ଥ୍ୟ ବିଭାଗ ପକ୍ଷରୁ ଡେଙ୍ଗୁ, ମ୍ୟାଲେରିଆ ଓ ଡାଇରିଆ ,କୁଷ୍ଠ ରୋଗ ନିମନ୍ତେ ସଚେତନତା କରାଯାଉଥିବା ଦେଖିବାକୁ ମିଳିଛି । ଏଥିରେ କଲ୍ୟାଣସିଂହପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ଭାରପ୍ରାପ୍ତ ଡାକ୍ତର ସାମ୍ୟରଞ୍ଜନ ଜେନା ଙ୍କ ନେତୃତ୍ବରେ ମାଝୀଗୁଡା ର ପୁରୁଷ ସ୍ୱାସ୍ଥ୍ୟ କର୍ମୀ ପ୍ରଣୟ ତ୍ରିପାଠୀ, ତିରୁପତି ବେହେରା ,ଜନ ସ୍ଵାସ୍ଥ୍ୟ ସମ୍ପ୍ରସାରଣ ଅଧିକାରୀ ସୁରେଶ କୁମାର ମହାନ୍ତି , ଏମ ପି ହେଚ ଏସ କୈଳାସ ବିଡିକା , ଆଶା କର୍ମୀ ଓ ଅଙ୍ଗନବାଡି କର୍ମୀ ସମେତ କିଛି ମାଝୀଗୁଡା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର କର୍ମଚାରୀ ପ୍ରମୁଖ ଉପସ୍ଥିତ ରହି ହାଟକୁ ଆସୁଥିବା ଲୋକ ଓ ବ୍ୟାପାରୀ ମାନଙ୍କୁ ଡାକ ବାଜି ଯନ୍ତ୍ର ସାହାଯ୍ୟରେ ଡେଙ୍ଗୁ, ମ୍ୟାଲେରିଆ ଓ ଡାଇରିଆ ,ଯକ୍ଷ୍ମା, ଜଣ୍ଡିସ କୁଷ୍ଠ ରୋଗ ବିଷୟରେ ସଚେତନତା କରିଥିଲେ ।
ମାଝୀଗୁଡା ଗ୍ରାମରେ ପ୍ରତ୍ୟେକ ଘରେ ଘରେ ପଶି ଲୋକଙ୍କ ରକ୍ତ ପରୀକ୍ଷା କରିବା ସହ ପ୍ରତ୍ୟେକ ନାଳନର୍ଦ୍ଧମା ରେ ବଲ୍ଲିଚିଙ୍ଗ ପକାଇଥିଲେ । ଏବଂ ଯେଉଁ ଲୋକଙ୍କ ଘରେ କୂଅ ରହିଛି ସେହିମାନଙ୍କୁ ବ୍ଲଚିଙ୍ଗ ଦେଇ ଥିଲେ ।କୂଅରେ ବ୍ଲଚିଙ୍ଗ ପକାଇ ପାଣିକୁ ବିଶୋଧନ କରି ବ୍ୟବହାର କରିବା ପାଇଁ କୁହାଯାଇଛି । ପୂର୍ବରୁ ମାଝିଗୁଡ଼ାରେ ଜରରେ ବହୁ ଲୋକ ଆକ୍ରାନ୍ତ ହୋଇଥିବା ଖବର ସ୍ୱାସ୍ଥ୍ୟ ବିଭାଗ ଜାଣିପାରି ଏହି ପରି ପଦକ୍ଷେପ ନେଇଥିବା ଜଣାପଡିଛି । ବିଦ୍ୟାଳୟ ଛାତ୍ରଛାତ୍ରୀ ମାନଙ୍କୁ ଭିକ୍ଟୋରିଆ ରୋଗରୁ ମୁକ୍ତ ପାଇଁ ପରୀକ୍ଷା କରାଯାଉଛି। ଯେଉଁ ପରିବାରରେ ମସାରି ନାହିଁ ସେହିମାନେ ନଡ଼ିଆତେଲ ରେ ନିମ୍ବ ପତ୍ର ଫୁଟାଇ ଦେହରେ ଲଗାଇଲେ ମ୍ୟାଲେରିଆ ରୁ ମୁକ୍ତ ପାଇବେ ବୋଲି ସଚେତନତା କରାଯାଉଛି । ଘର ଚତୁଃପାର୍ଶ୍ୱ ସଫାସୁତରା ରଖିବା,ଖାଇବା ପୂର୍ବରୁ ଓ ଶୌଚ ପରେ ହାତକୁ ଭଲ ଭାବରେ ସାବୁନ ରେ ଧୋଇବା ,ଗରମ ପାଣି ବ୍ୟବହାର କରିବା,ଗରମ ରନ୍ଧା ଖାଦ୍ୟ ଖାଇବା ,ମସାରି ଟାଣି ଶୋଇବା ଭଳି ବିଭିନ୍ନ ବିଷୟରେ ସଚେତନତା କରିଥିଲେ ।
Comments are closed.