ଲାଞ୍ଜିଗଡ଼ : କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକର ଦୁର୍ଗମ ପାହାଡ଼ପଦର ପଞ୍ଚାୟତ ସାକଡିଂ ଗୁମ୍ଫାରେ ଅବସ୍ଥାପିତ ବିଷମୂଳ ବୁଢାରଜାଙ୍କ ବାର୍ଷିକ ଉତ୍ସବ ଭବ୍ୟ କଳସ ଯାତ୍ରା ସହିତ ଉଦଘାଟିତ ହୋଇଯାଇଛି । ତିନିଦିନ ବ୍ୟାପି ହେବାକୁ ଥିବା ବିଷମୂଳ ବୁଢାରଜାଙ୍କ ବାର୍ଷିକ ଉତ୍ସବକୁ ନେଇ ଅଞ୍ଚଳରେ ବେଶ୍ ଉତ୍ସାହ ଦେଖିବାକୁ ମିଳିଛି। ଏହି ଭବ୍ୟ କଳସ ଯାତ୍ରାରେ ଜିଲ୍ଲା ତଥା ଜିଲ୍ଲା ବାହାରର ଶହ ଶହ ଭକ୍ତ ଓ ଶ୍ରଦ୍ଧାଳୁ ସାମିଲ ହୋଇଥିଲେ। ଏଥିରେ ଅତିଥି ଭାବେ କଳାହାଣ୍ଡି ସ୍ଵତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ଶିବାଜୀ ମାଝୀ, ବିଜେପି ରାଜ୍ୟ କାର୍ଯ୍ୟକାରିଣୀ ସଭ୍ୟ ରମେଶ ମାଝୀ, କଂଗ୍ରେସ ନେତା ଚାଞ୍ଚେର ମାଝୀ, ରାଜେନ୍ଦ୍ର ମାଳି, ଲାଞ୍ଜିଗଡ଼ ବ୍ଲକ କଂଗ୍ରେସ କମିଟି ସଭାପତି ବିଜୟ ନାଏକ ପ୍ରମୁଖ ଯୋଗ ଦେଇଥିଲେ। ବିଷମୂଳ ବୁଢ଼ାରଜା ପୂଜା କମିଟିର ସଭାପତି ଜଗଦୀଶ ବେନିଆଁଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଆୟୋଜିତ କାର୍ଯ୍ୟକ୍ରମକୁ ପୂଜା କମିଟିର ଉପଦେଷ୍ଟା ଜଗଦୀଶ ପୁଟା, ମଧୁସୂଦନ ନାଏକ, ମାଧବ ନାଏକ, ଉଗ୍ରେସନ ବାଗ, ଲିଙ୍ଗରାଜ ଦୁର୍ଗା, ପରମେଶ୍ବର ନାଏକ, ବନମାଳୀ ମାଝୀଙ୍କ ସମେତ ପାହାଡ଼ପଦର ସରପଞ୍ଚ ଲକ୍ଷ୍ମଣ ମାଝୀ, ବୁଢ଼ାରଜା ପୂଜା କମିଟି ଉପ ସଭାପତି କୁମର ନାଏକ, କୋଷାଧ୍ୟକ୍ଷ ବଳଭଦ୍ର ସାହୁ ଏବଂ କମିଟିର ସମସ୍ତ ସଦସ୍ୟ ଓ ଅଞ୍ଚଳବାସୀ ପରିଚାଳନା କରୁଛନ୍ତି । ପୂଜକ ଭାବେ ଲୋକନାଥ ମାଝୀ ଓ ବୁଡୁ ନାଏକ ଦାୟିତ୍ଵ ତୁଲାଉଛନ୍ତି।
Comments are closed.