ଝୁମ୍ପୁରା : ସୋମବାର ମଧ୍ୟାହ୍ନରେ ଜଣେ ବ୍ୟକ୍ତି ନିଜର ବାଇକକୁ ତହସିଲ କାର୍ଯ୍ୟାଳୟ ସମ୍ମୁଖରେ ରଖି କାର୍ଯ୍ୟାଳୟ ଭିତରକୁ ଯାଇଥିବା ସମୟରେ ଦୁର୍ବୃତ୍ତମାନେ ବାଇକ୍ ଡିକି ଭାଙ୍ଗି ଟଙ୍କା ଲୁଟ କରିଥିବା ଜଣାପଡିଛି। ମିଳିଥିବା ସୂଚନାରୁ ଜଣାଯାଏ ଯେ ଝୁମ୍ପୁରା ଥାନା ଖେଣ୍ଡେରା ଗ୍ରାମର ଅଜୟ କୁମାର ଦାସଙ୍କ ପୁଅ ସିପୁନ କୁମାର ଦାସ ଝୁମ୍ପୁରା ସ୍ଥିତ ବ୍ୟାଙ୍କ ଅଫ ଇଣ୍ଡିଆ ଶାଖାରୁ କାନପୁର କେନାଲ ଯୋଜନାରୁ ମିଳିଥିବା ୪୯ ହଜାର ଟଙ୍କା ଉଠାଇ ନିଜର ବାଇକ୍ ଡିକିରେ ରଖି ତହସିଲ କାର୍ଯ୍ୟାଳୟ ଭିତରକୁ ନିଜର କାର୍ଯ୍ୟ ନେଇ ଯାଇଥିଲେ। କାମ ସାରି ଆସି ଦେଖିଲା ବେଳେ ଡିକି ଭଙ୍ଗା ହେବା ସହିତ ୪୯ ହଜାର ଟଙ୍କା ସହିତ ଆଧାର କାର୍ଡ, ବ୍ୟାଙ୍କ ପାସ୍ ବହି, ଜମି ପଟ୍ଟା ଚୋରି ହୋଇଯାଇଛି। ଘଟଣା ସମ୍ପର୍କରେ ସିପୁନ ଝୁମ୍ପୁରା ଥାନାରେ ଅଭିଯୋଗ କରିଥିଲେ। ଝୁମ୍ପୁରା ପୁଲିସ ଅଭିଯୋଗ ପାଇବା ପରେ ସଙ୍ଗେ ସଙ୍ଗେ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହିତ ତହସିଲ କାର୍ଯ୍ୟାଳୟର ସି ସି କ୍ୟାମେରା ଫୁଟେଜ ଯାଞ୍ଚ କରିଥିବା ଦେଖିବାକୁ ମିଳିଛି।
Comments are closed.