ସମ୍ବଲପୁର: ଦିନକୁ ଦିନ ଅଭିନବ ଉପାୟରେ ଠକେଇ କରାଯାଉଥିବା ବେଳେ ଏବେ ସମ୍ବଲପୁର ତଥା ଆଖପାଖର ପଡୋଶୀ ଜିଲା ଗୁଡିକରେ ଏଟିଏମ କାର୍ଡ ସ୍ୱାପ ଗ୍ୟାଙ୍ଗ ସକ୍ରିୟ ହୋଇଛନ୍ତି । ପୁଲିସ ସୁଚନା ଅନୁଯାୟୀ, କିଛି ବ୍ୟକ୍ତି ଏଟିଏମ୍ ଗୁଡିକରେ ସରଳ ଓ ବରିଷ୍ଠ ନାଗରିକ ତଥା ଯେଉଁ ବ୍ୟକ୍ତି ଏଟିଏମ୍ କାରବାର କରିବାରେ ଅନଭିଜ୍ଞ ସେହି ମାନଙ୍କୁ ଏହି ଠକମାନେ ବିଶେଷ ରୂପେ ଟାର୍ଗେଟ କରୁଛନ୍ତି । ଉକ୍ତ ବ୍ୟକ୍ତିମାନେ ସଙ୍ଗଠିତ ରୂପେ ଏଟିଏମ୍ କାର୍ଡ ଧାରୀଙ୍କୁ କଥା ଛଳରେ ଟଙ୍କା ଲେଣଦେଣ ଏଟିଏମରେ କରିବାର ସହାୟତା ବାହାନାରେ ସେମାନଙ୍କର କାର୍ଡ ଓ ଗୁପ୍ତ ସଂଖ୍ୟାକୁ ନେଇ ଅନ୍ୟ କାର୍ଡ ଧରାଇ ଦେଉଛନ୍ତି । ଏହାର କିଛି ସମୟ ପରେ ଠକି କି ନେଇଥିବା ଅନ୍ୟ ଏଟିଏମକୁ ଯାଇ ଉକ୍ତ କାର୍ଡ ଜରିଆରେ ଟଙ୍କା ଉଠାଣ କରି ଫେରାର ମାରୁଛନ୍ତି ।
ଏଭଳି ଏକ ମାମଲାର ସିସିଟିଭି ଫୁଟେଜ ଏବେ ସାମାଜିକ ଗଣମାଧ୍ୟମ ଜରିଆରେ ଭାଇରାଲ ହେଉଥିବାବେଳେ ଉକ୍ତ ଫୁଟେଜରେ ଏଟିଏମ୍ କାର୍ଡ ଠକ ଜଣେ ମହିଳାଙ୍କୁ ଟାର୍ଗେଟ କରୁଥିବାର ସ୍ପଷ୍ଟ ଦେଖାଯାଉଛି । ଏଭଳି ଠକମାନଙ୍କ ଠାରୁ ନିଜେ ସଚେତନ ହୋଇ ରହି ପାରିଲେ ଠକେଇ ହେବାରୁ ଜନତା ବର୍ତ୍ତି ପାରିବେ । ଏଟିଏମରେ କାରବାର ଜାଣି ନ ଥିଲେ, ଅଜଣା ବ୍ୟକ୍ତିଙ୍କ ଠାରୁ ସହାୟତା ନନେଇ
ବ୍ୟାଙ୍କ ଅଧିକାରୀ କିମ୍ବା ବ୍ୟାଙ୍କର ସହାୟତ ନେବା ଉଚିତ ବୋଲି ସମ୍ବଲପୁର
ପୁଲିସ ପକ୍ଷରୁ ସୂଚନା ଦିଆଯାଇଛି ।
ସାବଧାନ ଏଟିଏମ୍ କାର୍ଡ ସ୍ୱାପ ଗ୍ୟାଙ୍ଗ ସକ୍ରିୟ
Popular Categories
Previous article
Next article