ସୁଆଣ୍ଡୋ : ଜାକର୍ତ୍ତାରେ ଅନୁଷ୍ଠିତ ପାରା ଏସୀୟ କ୍ରୀଡ଼ାରେ ଚାରିଶହ ମିଟର ଦୌଡରେ ରୌପ୍ୟପଦକ ବିଜେତା ଜୟନ୍ତୀ ବେହେରାଙ୍କୁ ସତ୍ୟବାଦୀରେ ବିପୁଳ ସ୍ବାଗତ ସମ୍ବର୍ଦ୍ଧନା ଦିଆଯାଇଛି।
ପୁରୀ ଜିଲା ସତ୍ୟବାଦୀ ଗୁରୁକୂଳ ଆଥଲେଟିକ୍ସର ଛାତ୍ରୀ ଜୟନ୍ତୀଙ୍କୁ ତାଙ୍କ ସହପାଠୀ ତଥା ଜନସାଧାରଣଙ୍କ ପକ୍ଷରୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି। ବୁଧବାର ଅପରାହ୍ନରେ ବସଷ୍ଟାଣ୍ଡ ସ୍ଥିତ ଓଭରବ୍ରିଜ୍ ନିକଟରୁ ଶୋଭାଯାତ୍ରାରେ ଜୟନ୍ତୀ ସାକ୍ଷୀଗୋପାଳ ମନ୍ଦିରକୁ ଯାଇଥିଲେ । ଠାକୁରଙ୍କୁ ପୂଜାଅର୍ଚ୍ଚନା କରି ଫେରିବା ପରେ ମନ୍ଦିର ଆଗରେ ବିଭିନ୍ନ ସଙ୍ଗଠନ ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯାଇଥିଲା।
