ଶ୍ରୀନଗର: ଉତ୍ତର କାଶ୍ମୀରର କୁପୱାଡ଼ା ଜିଲାର ମାଛିଲ ସେକ୍ଟରରେ ପାକିସ୍ତାନୀ ସେନା ପକ୍ଷରୁ ପୁଣି ଥରେ ଯୁଦ୍ଧବିରତି ଉଲ୍ଲଂଘନ କରାଯାଇଛି। ଶନିବାର ସକାଳେ ପାକିସ୍ତାନ ରେଞ୍ଜର୍ସ ହଠାନ ନିୟନ୍ତ୍ରଣ ରେଖାରେ ଗୁଳିମାଡ଼ ଆରମ୍ଭ କରିଛନ୍ତି। ଏଥିରେ ଜଣେ ଭାରତୀୟ ଯବାନ ଶହୀଦ ହୋଇଛନ୍ତି। ଗତ ୨୩ ତାରିଖରେ ପୁଞ୍ଚ ଜିଲାର ମାଲଟୀ, ମନକୋଟ ଏବଂ କୃଷ୍ଣା ଘାଟି ସେକ୍ଟରରେ ପାକିସ୍ତାନ ଯୁଦ୍ଧ ବିରତି ଉଲ୍ଲଂଘନ କରିବା ସହିତ ଭାରତୀୟ ସେନା ଶିବିର ଉପରକୁ ଗୁଳିମାଡ଼ କରିଥିଲା। ଏହା ପୂର୍ବରୁ ୪ଦିନ ଭିତରେ ପାକ୍ ସେନା ୩ଥର ଅସ୍ତ୍ରବିରତି ଉଲ୍ଲଂଘନ କରିଥିଲା। ଜୁଲାଇ ୨୨ରେ ପଲାମ୍ବାଲା ତଥା ଗୁଲପୁର ସେକ୍ଟରରେ ପାକ୍ ସେନା ପକ୍ଷରୁ ଗୁଳିମାଡ଼ କରାଯିବାରୁ ଜଣେ ଯବାନ ଶହୀଦ ହୋଇଥିଲେ ଏବଂ ଅନ୍ୟ ଜଣେ ଆହତ ହୋଇଥିଲେ।
ପାକିସ୍ତାନର ଯୁଦ୍ଧ ବିରତି ଉଲ୍ଲଂଘନ, ଭାରତୀୟ ଯବାନ ଶହୀଦ
Popular Categories
Previous article
Next article