ସମାଜ ପୋର୍ଟାଲ ଡେସ୍କ : ରାଜ୍ୟର ୩ଟି ଜିଲାରୁ ହଟିଛି ୬୦ ଘଣ୍ଟିଆ ସଟ୍ ଡାଉନ । କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା କାରଣରୁ ରାଜ୍ୟ ସରକାର ବାଲେଶ୍ଵର ,ଭଦ୍ରକ ଓ ଯାଜପୁର ଜିଲାକୁ ଗତ ୨୩ ତାରିଖ ରାତି ୧୦ ଟାରୁ ସଟ୍ ଡାଉନ ଘୋଷଣା କରିଥିଲେ । ଆଜି ୩ ଟି ଜିଲାରୁ ସଟ୍ ଡାଉନ ହଟିବା ପରେ ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲିବ ।
ତେବେ ଯାଜପୁରରେ ୨ଟି ପର୍ୟ୍ୟାୟରେ ଦୋକାନ ଖୋଲିବ । ସକାଳ ୬ଟାରୁ ଦିନ ୧୦ଟା ଓ ଅପରାହ୍ନ ୪ଟାରୁ ସନ୍ଧ୍ୟା ୭ଟା ପର୍ୟ୍ୟନ୍ତ ଦୋକାନ ଖୋଲିବ ବୋଲି କୁହାଯାଇଛି । ସେହିପରି ଭଦ୍ରକରେ ସକାଳ ୬ଟାରୁ ଦିନ ୧ ଯାଏଁ ଦୋକାନ ଖୋଲା ରହିବ । କଣ୍ଟେନମେଣ୍ଟ ଜୋନରେ କୌଣସି ଦୋକାନ ଖୋଲିବ ନାହିଁ ବୋଲି କୁହାଯାଇଛି । ବାସୁଦେବପୁର, ଧାମନଗର, ଭଣ୍ଡାରିପୋଖରୀ ଓ ଡିହିଡିରେ ସମସ୍ତ ଦୋକାନ ବନ୍ଦ ରହିବ । ଏହା ସହ ବରିଷ୍ଠ ନାଗରିକ ଓ ଛୋଟ ପିଲାଙ୍କୁ ଘରୁ ବାହାରିବାକୁ ମନା ହୋଇଛି ।
ରାଜ୍ୟରେ ଖୋର୍ଦ୍ଧା ଜିଲାପରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ୩ ଟି ଜିଲା ବାଲେଶ୍ଵର, ଭଦ୍ରକ ଏବଂ ଯାଜପୁରକୁ ରାଜ୍ୟ ସରକାରଙ୍କ ପକ୍ଷରୁ ୬୦ ଘଣ୍ଟିଆ ଲକ୍ ଡାଉନ ଘୋଷଣା କରାଯାଇଥିଲା ।
