ଅଜା ହେଲେ ମୁକେଶ ଅମ୍ବାନୀ; ଯମଜ ସନ୍ତାନଙ୍କୁ ଜନ୍ମ ଦେଲେ ଝିଅ ଇଶା

ମୁମ୍ବାଇ: ବିଶିଷ୍ଟ ଶିଳ୍ପପତି ମୁକେଶ ଅମ୍ବାନୀ ଅଜା ହୋଇଛନ୍ତି। ଯମଜ ସନ୍ତାନଙ୍କୁ ଜନ୍ମ ଦେଇଛନ୍ତି ଝିଅ ଇଶା ଅମ୍ବାନୀ। ଅମ୍ବାନୀ ପରିବାର ପକ୍ଷରୁ ଦିଆଯାଇଥିବା ସୂଚନା ମୁତାବକ, ଇଶା ଅମ୍ବାନୀ ରବିବାର ଯମଜ ସନ୍ତାନଙ୍କ ମାଆ ହୋଇଛନ୍ତି ଏବଂ ଦୁଇ ଶିଶୁ ସୁସ୍ଥ ଅଛନ୍ତି। ଉଭୟ ଶିଶୁଙ୍କ ନାମକରଣ ମଧ୍ୟ କରାଯାଇଛି। ଯମଜଙ୍କ ମଧ୍ୟରୁ କନ୍ୟା ସନ୍ତାନର ନାମ ଆଦିୟା ରଖାଯାଇଥିବା ବେଳେ ପୁତ୍ର ସନ୍ତାନର ନାଁ କୃଷ୍ଣା ରଖାଯାଇଛି।

ସୂଚନାଯୋଗ୍ୟ, ମୁକେଶ ଅମ୍ବାନୀଙ୍କ ଝିଅ ଇଶା ଅମ୍ବାନୀ ୨୦୧୪ଠାରୁ ରିଲାଏନ୍ସ ଜିଓ ଏବଂ ରିଲାଏନ୍ସ ରିଟେଲର ନିର୍ଦ୍ଦେଶକ ଅଛନ୍ତି। ୧୨ ଡିସେମ୍ବର ୨୦୧୮ରେ ଇଶା ପିରାମଲ ଗ୍ରୁପର ଆନନ୍ଦ ପିରାମଲଙ୍କୁ ବିବାହ କରିଥିଲେ।

Comments are closed.