ତେହରାନ୍: କରୋନା ଭୂତାଣୁ ସଂକ୍ରମଣ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ସାରା ବିଶ୍ବରେ ଏହି ଭୂତାଣୁ ସଂକ୍ରମଣକୁ ପ୍ରତିହତ କରିବା ପାଇଁ ସ୍ବାସ୍ଥ୍ୟକର୍ମୀମାନେ କରେନା ଯୋଦ୍ଧା ଭାବେ ବିବେଚିତ ହେଉଛନ୍ତି। କରୋନା ସଂକ୍ରମଣରୁ ଲୋକଙ୍କୁ ରକ୍ଷା କରିବା ପାଇଁ ସ୍ବାସ୍ଥ୍ୟକର୍ମୀମାନେ ଦିନରାତି ପରିଶ୍ରମ କରୁଛନ୍ତି।
ତେବେ କରୋନା ଭୂତାଣୁ ସଂକ୍ରମଣରୁ ମଧ୍ୟ ସେମାନେ ତ୍ରାହି ପାଇନାହାନ୍ତି। ଇରାନ୍ରେ ସବୁଠାରୁ ଅଧିକ ସ୍ବାସ୍ଥ୍ୟକର୍ମୀ କରୋନା ସଂକ୍ରମିତ ହୋଇଥିବା ଜଣାପଡ଼ିଛି। ଆଇଏସ୍ଏନ୍ଏ ଏବଂ ଇରାନ୍ ଉପ ସ୍ବାସ୍ଥ୍ୟ ମନ୍ତ୍ରୀ କ୍ବାସିମ୍ ଜାନ୍ବାବାଇ ଇରାନ୍ରେ ୧୦,୦୦୦ରୁ ଅଧିକ ସ୍ବାସ୍ଥ୍ୟକର୍ମୀଙ୍କୁ କରେନା ଭୂତାଣୁ ସଂକ୍ରମିତ କରିଛି ବୋଲି କହିବା ସହିତ ଏ ସଂକ୍ରାନ୍ତରେ ଅଧିକ ତଥ୍ୟ ଦୋକୁ ମନା କରି ଦେଇଛନ୍ତି। ଗତ ସପ୍ତାହରେ ଇରାନ୍ରେ ୮୦୦ରୁ ଅଧିକ ସ୍ବାସ୍ଥ୍ୟକର୍ମୀ କରୋନା ସଂକ୍ରମିତ ହୋଇଥିବାବେଳେ ସେମାନଙ୍କ ମଧ୍ୟରୁ ପ୍ରାୟ ୧୦୦ଜଣଙ୍କ ମୃତ୍ୟୁ ହୋଇଯାଇଛି।
ସ୍ବାସ୍ଥ୍ୟ ମନ୍ତ୍ରାଳୟ ମୁଖପାତ୍ର କୈନସ୍ ଜାହାନ୍ପୌର୍ କହିଛନ୍ତି ଯେ ଇରାନ୍ରେ ୧୨୯,୩୪୧ଜଣଙ୍କ କୋଭିଡ୍-୧୯ ପରୀକ୍ଷଣ କରାଯାଇଛି। ସେମାନଙ୍କ ମଧ୍ୟରୁ ୧୦୦,୫୬୪ଜଣ ସୁସ୍ଥ ହୋଇଥିବାବେଳେ ୭,୨୪୯ଜଣଙ୍କ ମୃତ୍ୟୁ ହୋଇଛି। ତେବେ ସେଥିମଧ୍ୟରୁ ୨,୩୯୪ଜଣ ସ୍ବାସ୍ଥ୍ୟକର୍ମୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଇରାନ୍ର ବିଭିନ୍ନ ଅଞ୍ଚଳରେ କରେନା ଆକ୍ରାନ୍ତ କୌଣସି ରୋଗୀଙ୍କ ଯେଭଳି ମୃତ୍ୟୁ ନ ହେବ ସେଥିପାଇଁ ସ୍ବତନ୍ତ୍ର ପଦକ୍ଷେପ ନିଆଯାଇଛି।
