ଭୁବନେଶ୍ୱର : ଜଣେ ବ୍ୟକ୍ତି କେବଳ ମେଡିକାଲ କିମ୍ବା ଜରୁରୀ ପରିସ୍ଥିତିରେ ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ଯାଇପାରିେବ। ତେବେ ଆନ୍ତଃରାଜ୍ୟ ଗମନାଗମନ କରିବାକୁ ହେଲେ ସେଥିପାଇଁ କ’ଣ ସବୁ ସରକାରଙ୍କ ନୀତିନିୟମ ପାଳନ କରିବାକୁ ହେବ ସେନେଇ ସରକାରଙ୍କ ପକ୍ଷରୁ ସ୍ପଷ୍ଟ କରାଯାଇଛି।
ଯେଉଁମାନେ ରାଜ୍ୟ ବାହାରକୁ ଯିବାକୁ ଚାହିଁବେ ସେମାନେ ସ୍ଥାନୀୟ ତହସିଲଦାର କିମ୍ବା ଉପଜିଲାପାଳଙ୍କୁ ଆବଶ୍ୟକ କାଗଜପତ୍ର ଦେଖାଇ ଅନୁମତି ନେବାକୁ ପଡିବ। ଯଦି ମହାନଗର କିମ୍ବା ପୌରାଞ୍ଚଳର ବାସିନ୍ଦା ହୋଇଥିବେ ତେବେ ତାଙ୍କୁ ସଂପୃକ୍ତ ପୌର ଅଧିକାରୀ କିମ୍ବା ମହାନଗର କମିଶନର ଅଥବା ଡିସିପିଙ୍କୁ ଦେଖାଇ ଅନୁମତି ନେବା ଆବଶ୍ୟକ। ଏହାପରେ ସଂପୃକ୍ତ ବ୍ୟକ୍ତି ଉକ୍ତ ଜିଲାର ଜିଲାପାଳଙ୍କୁ ଆବେଦନ କରିବେ। ଆବେଦନ ବେଳେ ସ୍ବତନ୍ତ୍ର ଫର୍ମରେ ନିଜର ସମ୍ପୂର୍ଣ୍ଣ ବିବରଣୀ ଦେବା ସହିତ କେଉଁ ଗାଡିରେ କେତେ ତାରିଖରେ କେଉଁସ୍ଥାନକୁ ଯିବେ ତାହା ଦର୍ଶାଇବେ। ଏହାପରେ ସଂପୃକ୍ତ ବ୍ୟକ୍ତିଙ୍କୁ ପାସ୍ ମିଳିପାରିବ। ଯଦି ଜଣେ ବ୍ୟକ୍ତି ରାଜ୍ୟ ବାହାରେ ଅଛନ୍ତି ତେବେ ରାଜ୍ୟ ସରକାରଙ୍କ ପୋର୍ଟାଲ ‘ଏଚଟିଟିପି://କୋଭିଡ଼ ୧୯.ଓଡ଼ିଶା. ଗଭ.ଇନ୍’ ଜରିଆରେ ଆବେଦନ କରିବାକୁ ପଡିବ ଏବଂ ସରକାରଙ୍କ ନୀତି ମାନିବାକୁ ପଡିବ ବୋଲି ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ କୁହାଯାଇଛି।
ଆନ୍ତଃରାଜ୍ୟ ଯାତାୟାତ ପାଇଁ ସରକାରଙ୍କ ନିୟମ
Popular Categories
Previous article
Next article