ଲକ୍ଷ୍ମୌ – ଉତ୍ତରପ୍ରଦେଶର ମୈନପୁରରେ ବିଷାକ୍ତ ଚା’ ପିଇବା ପରେ ତିନିଜଣଙ୍କର ମୃତ୍ୟୁ ହୋଇଛି । ଏଥିରେ ଅନ୍ୟ ଦୁଇ ଜଣ ଗୁରୁତର ହୋଇଛନ୍ତି । ଶୀତ ଆରମ୍ଭ ହୋଇଥିବାରୁ ସକାଳେ ମୈନପୁର କନହାଇ ଗ୍ରାମରେ ରମା ନାମକ ଜଣେ ମହିଳା ତାଙ୍କ ପିଲା ଏବଂ ପରିବାରର ୫ ଜଣଙ୍କ ପାଇଁ ଚା ତିଆରି କରିଥିଲେ ।
ଚା ପିଇବା ପରେ ଘଟଣାସ୍ଥଳରେ ଦୁଇ ଜଣ ଛୋଟ ପିଲାଙ୍କର ମୃତ୍ୟୁ ହୋଇଥିଲା । ଅନ୍ୟ ତିନି ଜଣଙ୍କୁ ଡାକ୍ତରଖାନା ସ୍ଥାନାନ୍ତର କରାଯାଇଥିବା ବେଳେ ସେଠାରେ ପିଲାଙ୍କର ଜେଜେବାପାଙ୍କର ମୃତ୍ୟୁ ହୋଇଥିଲା ।
- Advertisement -
ରମା ଚା ତିଆରି କରୁଥିବାବେଳେ ସେଠାରେ ଫସଲରେ ପକାଇଥିବା ଥିବା କୀଟନାଶକ ବା ବିଷ ପକାଇଦେଇଥିଲେ । ସେ ଭୁଲ୍ରେ ସେଥିରେ ଏହାକୁ ପକାଇ ଦେବା ପରେ ଘରର ସମସ୍ତେ ଚା ପିଇଥିଲେ । ଏମାନଙ୍କ ଅବସ୍ଥା ସଙ୍କଟାପନ୍ନ ଥିବା ତଦନ୍ତକାରୀ ପୁଲିସ ଅଧିକାରୀ କମଲେଶ୍ ଦୀକ୍ଷିତ ସୂଚନା ଦେଇଛନ୍ତି ।
