ଇମ୍ରାନ ଖାଁ କ୍ଷମତାକୁ ଆସିବା ପରେ ଦେଶର ସାମରିକ ମୁଖ୍ୟ ଜେନେରାଲ କ୍ୱାମର୍ ବାଜୱାଙ୍କ ସହିତ ତାଙ୍କର ସୁସମ୍ପର୍କ ରହିଥିଲା। କିନ୍ତୁ ପରବର୍ତ୍ତୀ ସମୟରେ ସରକାର ପରିଚାଳନାକୁ ନେଇ ମତଭେଦ ପରେ ଦେଶର ମନ୍ତ୍ରିମଣ୍ଡଳ ପୁନର୍ଗଠନରେ ବାଜୱା ପ୍ରମୁଖ ଭୂମିକା ଗ୍ରହଣ କରିବା ସହିତ ଇମ୍ରାନଙ୍କ ପ୍ରଭାବ ହ୍ରାସ କରିବାକୁ ସେନାର ଜଣେ ବ୍ୟକ୍ତି ବ୍ରିଗେଡ଼ିୟର ଇଜାଜ୍ ଶାହଙ୍କୁ ଦେଶର ଆଭ୍ୟନ୍ତରୀଣ ବ୍ୟାପାର ମନ୍ତ୍ରୀ ଭାବେ ଅଧିଷ୍ଠିତ କରାଇଥିଲେ। ଇଜାଜ୍ ଆଇଏସ୍ଆଇରେ କାର୍ଯ୍ୟ କରୁଥିବା ସମୟରେ ଜମ୍ମୁ କାଶ୍ମୀରରେ ଆତଙ୍କବାଦୀ ଅଭିଯାନ ଚଳାଇଥିବା ଅଭିଯୋଗ ହୋଇଥିଲା। ତାଙ୍କୁ ନିଜ ଦେଶରେ ପାକିସ୍ତାନ ରାଷ୍ଟ୍ରଦୂତ ଭାବେ ଅନୁମତି ଦେଇନଥିଲା ଅଷ୍ଟ୍ରେଲିଆ। ସେ କୁଖ୍ୟାତ ଆତଙ୍କବାଦୀ ଓସାମା ବିନ୍ ଲାଡେନ୍କୁ ସୁରକ୍ଷା ପ୍ରଦାନ କରିବା ଏବଂ ବେନଜୀର ଭୁଟ୍ଟୋଙ୍କୁ ହତ୍ୟା ଷଡଯନ୍ତ୍ର କରିଥିବା ଅଭିଯୋଗ ଆସିଥିଲା। ଏଭଳି ପରିସ୍ଥିତିରେ ଇମ୍ରାନ ଖାଁ ସାରା ବିଶ୍ୱକୁ ଦେଖାଇବାକୁ ଚାହୁଁଥିଲେ ଯେ ସେ ଦେଶର ସାମରିକ ବାହିନୀ ହାତରେ ସଖି କେଣ୍ଢଇ ହୋଇ ରହିନାହାନ୍ତି କିମ୍ବା ସେଭଳି ହେବାକୁ ଚାହାନ୍ତିନାହିଁ। ଶେଷରେ ଇମ୍ରାନ ଖାଁଙ୍କ ଅଭିଯୋଗ ଯେ ତାଙ୍କୁ ବହିଷ୍କାର କରିବାକୁ ଆମେରିକା ଷଡଯନ୍ତ୍ର କରିଛି, ତାହାକୁ ବାଜୱା ଖଣ୍ଡନ କରିଛନ୍ତି। ଇମ୍ରାନ ଚୀନ ପ୍ରତି ନିଜ ଆନୁଗତ୍ୟ ପ୍ରକାଶ କରୁଥିବା ସମୟରେ ବାଜୱା ଆମେରିକା ସହିତ ସମ୍ପର୍କ ଅଧିକ ମଜଭୁତ କରିବା ସପକ୍ଷରେ ମତ ରଖିଛନ୍ତି। ଏଭଳି ପରିସ୍ଥିତି ପୂର୍ବରୁ ପାକିସ୍ତାନରେ ଲକ୍ଷ୍ୟ କରାଯାଇନଥିଲା।
Popular Categories
Previous article
Next article