ନୂଆଦିଲ୍ଲୀ – ଏବେ ଦେଶରେ ଅନ୍ଲାଇନ୍ ଟଙ୍କା କାରବାର ବୃଦ୍ଧି ପାଇବାରେ ଲାଗିଛି । ଏଟିଏମ୍ରେ ଟଙ୍କା ଉଠାଣଠାରୁ ଅନ୍ଲାଇନ୍ କାରବାରରେ ଟଙ୍କା ନେଣଦେଣ ଅଧିକ ହେଉଛି । ଚା’ ଦୋକାନ ଠାରୁ ସପିଂ ମଲ୍ ସୁନା ଦୋକାନ ସବୁଠାରେ ଏବେ ଅନ୍ଲାଇନ୍ରେ ଟଙ୍କା କାରବାର ବୃଦ୍ଧି ପାଇଛି । ବେଳେ ବେଳେ ଅନ୍ଲାଇନ୍ରେ ଟଙ୍କା ଦେବା ବେଳକୁ ଭୁଲ୍ରେ ଅନ୍ୟ କାହାର ଆକାଉଣ୍ଟକୁ ଟଙ୍କା ଚାଲିଯାଇ ପାରେ । ଏହି ସମୟରେ ଲୋକମାନେ ବ୍ୟସ୍ତ ହୋଇଯାଆନ୍ତି । ଏହି ସ୍ଥିତିରେ ଆପଣ କିଛି ଜରୁରୀ କାର୍ଯ୍ୟ କରିବାକୁ ପଡିବ ।
କୌଣସି ଭୁଲ୍ ଆକାଉଣ୍ଟକୁ ଟଙ୍କା ଚାଲିଗଲେ ଆପଣ ଏହି ସୁରକ୍ଷିତ ଉପାୟ ଆପଣେଇ ପାରିବେ । ବେଳେ ବେଳେ ତରବର ହୋଇ କିମ୍ବା ଡିଜିଟାଲି ଯାଞ୍ଚ ନକରି କେହି କେହି ଭୁଲ୍ ଆକାଉଣ୍ଟକୁ ଟଙ୍କା ପଠାଇ ଦେଇଥାଆନ୍ତି । ଏହି ସମୟରେ ଆପଣଙ୍କର ଚିନ୍ତା ବୃଦ୍ଧି ପାଏ ଆପଣ କିପରି ଟଙ୍କା ଫେରି ପାଇବେ ।
ସେହି ସମୟରେ ଏହି ନିମ୍ନ ପ୍ରଦତ ଜିନିଷ ଉପରେ ଧ୍ୟାନ ରଖନ୍ତୁ ।
ଯଦି ଆପଣ ଭୁଲ୍ ଆକାଉଣ୍ଟରେ ଟଙ୍କା ଜମା କରି ଦେଇଛନ୍ତି ତେବେ ପ୍ରଥମେ ଏହି ଟ୍ରାନଜାକସନ୍ର ସ୍କ୍ରିନ୍ ସଟ୍ ନିଅନ୍ତୁ । ଏହାପରେ ବ୍ୟାଙ୍କରେ ଯାଇ ଲିଖିତ ଭାବରେ ଅଭିଯୋଗ କରନ୍ତୁ । ଏହି ଅଭିଯୋଗ ଦାଖଲ ସମୟରେ ଆପଣ ବ୍ୟାଙ୍କରେ ସ୍କ୍ରିନ୍ ସଟ୍ ସହ ପ୍ରମାଣ ଦେବା ପାଇଁ ପଡିବ । ସ୍କ୍ରିନ୍ ସଟ୍ରେ ତାରିଖ ସମୟ, ଆକାଉଣ୍ଟ ନମ୍ବର କାରବାର ସଂଖ୍ୟାର ସମସ୍ତ ତଥ୍ୟ ମିଳିଯିବ ।
ଏହା ସହ ଯାହାଙ୍କର ଖାତାକୁ ଭୁଲ୍ରେ ଟଙ୍କା ଚାଲିଯାଇଛି ତାଙ୍କର ସମ୍ପୂର୍ଣ୍ଣ ତଥ୍ୟ ମାଗିପାରିବେ । ଖାତାଧାରକଙ୍କ ତଥ୍ୟ ଯଦି ମିଳିପାରିବ ତେବେ ଆପଣ ଫୋନ୍ କରି ସେହି ବ୍ୟକ୍ତିଙ୍କୁ ଟଙ୍କା ଫେରାଇବା ପାଇଁ ଅନୁରୋଧ କରିପାରେବ । ସେ ଏଥିରେ ରାଜି ହେଲେ ୭ ଦିନ ମଧ୍ୟରେ ଆପଣଙ୍କ ଟଙ୍କା ଆପଣଙ୍କ ଆକାଉଣ୍ଟକୁ ଆସିବର ସମ୍ଭାବନା ରହିଛି ।
ମାତ୍ର ବେଳେ ବେଳେ ଯାହା ଆକାଉଣ୍ଟକୁ ଟଙ୍କା ଚାଲିଯାଇଥାଏ ସେମାନେ ଟଙ୍କା ଫେରାଇବା ପାଇଁ ରାଜି ହୁଅନ୍ତି ନାହିଁ । ଏହି ସମୟରେ ଆପଣ ସମସ୍ତ ପ୍ରମାଣ ଆପଣଙ୍କ ସହ ରଖନ୍ତୁ । ଆପଣ ଏହାପରେ ଆଇନ ଆଶ୍ରୟ ନେଇପାରିବେ ।
ବେଳେ ବେଳେ ଇନ୍ଭାଲିଡ୍ ଆକାଉଣ୍ଟ ନମ୍ବର କିମ୍ବା ଭୁଲ୍ ଆଇଏଫ୍ଏସ୍ସି ନମ୍ବର ଦେଲେ ଆକାଉଣ୍ଟରୁ ଟଙ୍କା କଟିଯାଇଥାଏ । ଏହି ସ୍ଥିତିରେ ୭ ଦିନ ମଧ୍ୟରେ ଆପଣଙ୍କ ଆକାଉଣ୍ଟକୁ ଟଙ୍କା ଆସିଯିବ । କୌଣସି ଆଶଙ୍କା ଥିଲେ ଆପଣ ବ୍ୟାଙ୍କ ସହ ଏ ବିଷୟରେ କଥା ହୋଇପାରିବେ । ଅଭିଯୋଗ ବି ଦେଇ ପାରିବେ ।
ଯଦି ଆପଣଙ୍କ ଆକାଉଣ୍ଟକୁ ଭୁଲ୍ରେ ଟଙ୍କା ଆସିଯାଇଛି ତେବେ ବ୍ୟାଙ୍କକୁ ପ୍ରଥମେ ଏ ବିଷୟରେ ସୂଚନା ଦିଅନ୍ତୁ । ଯଦି ସେହି ଖାତା ଧାରକଙ୍କ ଫୋନ୍ ଆସୁଛି ତେବେ ଟଙ୍କା ଫେରସ୍ତ କରିବା ସମୟରେ ଏହାର ସମସ୍ତ ପ୍ରମାଣ ନିଜ ସହ ରଖନ୍ତୁ ।
