ଭୁବନେଶ୍ୱର : ରାଜ୍ୟର ଗୃହରକ୍ଷୀମାନଙ୍କ ଦୀର୍ଘଦିନର ସମସ୍ୟାକୁ ନେଇ ସୋମବାର ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ସହିତ ଆଲୋଚନା କରିଛି ରାଜ୍ୟ ଗୃହରକ୍ଷୀ ମହାସଂଘ। ୧୯୬୧ ମସିହା ଗୃହରକ୍ଷୀ ଆଇନ ଓ ୧୯୬୨ ନିୟମାବଳୀରେ ବ୍ୟାପକ ସଂଶୋଧନ ଆଣିବା, ଅକ୍ଜ୍ୟୁଲାରୀ ଫାୟାର ଫୋର୍ସ ଗଠନ କରିବା, ସାମାଜିକ ସ୍ୱାସ୍ଥ୍ୟବୀମା ଲାଗୁ କରିବା, ଗୃହରକ୍ଷୀ ଉଚ୍ଛେଦ ପ୍ରକ୍ରିୟାକୁ ପ୍ରତ୍ୟାହାର କରିବା, ୨୦୧୩ ଏବଂ ୨୦୧୮ ମସିହାରେ ଛଟେଇ କରାଯାଇଥିବା ଗୃହରକ୍ଷୀମାନଙ୍କୁ ପୁନଃ ନିଯୁକ୍ତି ପ୍ରଦାନ ଏବଂ ସର୍ବାଚ୍ଚ ଅଦାଲତଙ୍କ ନିର୍ଦ୍ଦେଶକୁ ସଠିକ୍ ଭାବରେ କାର୍ଯ୍ୟକାରୀ କରିବାକୁ ମହାସଂଘ ସଭାପତି ଉପେନ୍ଦ୍ର ମହାପାତ୍ର ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ୬ ଦଫା ସମ୍ବଳିତ ଦାବିପତ୍ର ପ୍ରଦାନ କରିବା ସହ ଆଲୋଚନା କରିଥିଲେ।
ମୁଖ୍ୟମନ୍ତ୍ରୀ ମୋହନ ମାଝୀ ଏବଂ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଦାବି ପତ୍ର ଉପରେ ବିଚାର କରାଯିବ ବୋଲି ନିର୍ଭର ପ୍ରତିଶ୍ରୁତି ଦେଇଥିଲେ। ସରକାରଙ୍କର ଗୃହରକ୍ଷୀମାନଙ୍କ ପ୍ରତି ଥିବା ସମ୍ବେଦନଶୀଳ ମନୋଭାବକୁ ସଭାପତି ଶ୍ରୀ ମହାପାତ୍ର ଗଣମାଧ୍ୟମରେ ପ୍ରକାଶ କରିଛନ୍ତି।
Comments are closed.