ନାଳିରେ ଲୁଚିଥିଲା ୧୮ ଫୁଟର ନାଗ, ଉଦ୍ଧାର ଭିଡିଓ ଭାଇରାଲ

ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ସାପର ଅନେକ ଭିଡିଓ ଭାଇରାଲ ହୋଇଥାଏ । ଏବେ ଏମିତି ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଏକ ୧୮ ଫୁଟ ଲମ୍ବା ନାଗ ଦେଖିବାକୁ ମିଳୁଛି । ଭିଡିଓରେ ନଜର ଆସୁଛି କି ଏକ ନାଗ ପାଇପ ଭିତରେ ଲୁଚି ରହିଛି । ତାକୁ ଉଦ୍ଧାର କରାଯାଉଛି । ସାପର ମୁଣ୍ଡ ଏକ ପାଇପ ଭିତରେ ପଶିବା ଫଳରେ ତାକୁ ବାହାର କରିବା ପାଇଁ ଚେଷ୍ଟା କରାଯାଉଛି । କିନ୍ତୁ ଏହି ସମୟରେ ସାପ ରାଗିଯାଇ ଫଣା ଦେଖାଇ ଡରାଉଛି ।

Masterfully handling and capturing a Cobra. pic.twitter.com/dNoYp3kKpL

— Nature is Amazing ☘️ (@AMAZlNGNATURE) July 6, 2024

ତେବେ ଏହି ଭିଡିଓ କେଉଁ ସ୍ଥାନର ଏବେ କେବେକାର ସେନେଇ କିଛି ସ୍ପଷ୍ଟ ସୂଚନା ମିଳିନି । ୪୮ ସେକେଣ୍ଡର ଏହି ଭିଡିଓକୁ ଏପର୍ଯ୍ୟନ୍ତ ୩ ମିଲିୟନରୁ ଅଧିକ ଲୋକ ଦେଖିସାରିଛନ୍ତି । ୧୧ ହଜାରରୁ ଅଧିକ ଲୋକ ଭିଡିଓକୁ ଲାଇକ କରିଛନ୍ତି ।