ବୁର୍ଲା: ଭିମସାରରୁ ସ୍ୱୟଂଶାସନ ପ୍ରତ୍ୟାହାର କରି ସରକାର ଏହି ଅନୁଷ୍ଠାନକୁ ନିଜ ଅଧୀନକୁ ନେବାକୁ ଦାବି ହୋଇଛି । ଏନେଇ ଭିମସାର ଗସ୍ତରେ ସ୍ବାସ୍ଥ୍ୟମନ୍ତ୍ରୀ ଡ.ମୁକେଶ ମହାଲିଙ୍ଗ ଆସିଥିବା ବେଳେ ତାଙ୍କୁ ଏହି ଦାବି ଜଣାଇଛନ୍ତି ବୁର୍ଲା ମଣ୍ଡଳ ବିଜେପିର ପୂର୍ବତନ ସଭାପତି ତଥା ଆଇନଜୀବୀ ପ୍ରସନ୍ନ କୁମାର ସାହୁ ।
ବୀର ସୁରେନ୍ଦ୍ର ସାଏ ଆୟୁର୍ବିଜ୍ଞାନ ମହାବିଦ୍ୟାଳୟ ଓ ଚିକିତ୍ସାଳୟକୁ ନାମ ପରିବର୍ତନ କରି ବୀର ସୁରେନ୍ଦ୍ର ସାଏ ଆୟୁର୍ବିଜ୍ଞାନ ଗବେଷଣା କେନ୍ଦ୍ର ଭାବରେ ନାମିତ କରି ସୟଂଶାସିତ କରାଗଲା । କିନ୍ତୁ ଦୁଃଖର ବିଷୟ ବର୍ତମାନ ସୁଦ୍ଧା ସୟଂଶାସନର ସୁଫଳ ମିଳିବା ତ ଦୂରର କଥା ଦିନକୁ ଦିନ ଡାକ୍ତରଖାନା, ଶିକ୍ଷା ଓ ରୋଗୀ ଚିକିତ୍ସା ଅବନତି ହେବାରେ ଲାଗିଛି । ଏଠାରେ କେବଳ ସୁରକ୍ଷା ସଂସ୍ଥାକୁ ତଥା ଆଉଟସୋସିଂ ସଂସ୍ଥାକୁ କର୍ମଚାରୀ ନିଯୁକ୍ତି ନାଁରେ ପୋଷିବା ଓ ରାଜକୋଷରୁ ଲକ୍ଷାଧିକ ଟଙ୍କା ଅପଚୟ କରିବା ଛଡା ଶିକ୍ଷା ଓ ରୋଗୀ ସେବାରେ ସାମାନ୍ୟ ତମ ଉନ୍ନତି ହୋଇନାହିଁ । ଓଡିଶା ସରକାର ଗୁରୁତ୍ବର ସହ ବିଚାରକୁ ନେଇ ତୁରନ୍ତ ସୟଂଶାସନ ପ୍ରତ୍ୟାହାର କରିବା ସହ ଜଣେ ବରିଷ୍ଠ ଆଇ.ଏ.ଏସ୍. ଅଧିକାରୀଙ୍କୁ ପ୍ରଶାସକ ଭାବରେ ନିଯୁକ୍ତି ଦେଇ ତାଙ୍କ ଅôଧନରେ ଉଭୟ ଶିକ୍ଷା ଓ ସ୍ୱାସ୍ଥ୍ୟସେବାକୁ ପରବର୍ତୀ ପଦକ୍ଷେପ ପର୍ୟ୍ୟନ୍ତ ପରିଚାଳନା କରିବା ପାଇଁ ମନ୍ତ୍ରୀଙ୍କ ନିକଟରେ ବିନମ୍ର ନିବେଦନ କରିଛନ୍ତି ଆଇନଜୀବୀ ।
Comments are closed.