ମହାତ୍ମା ଗାନ୍ଧୀଙ୍କ ଜୀବନରେ ଏପରି ଘଟଣା ଘଟିଛି, ଯାହା ଦ୍ୱାରା ନିଜ ଲକ୍ଷ୍ୟ ପଥରେ ଅଗ୍ରସର ହେବା ପାଇଁ ସହାୟକ ହୋଇ ପାରିଥିଲା। ଗାନ୍ଧିଜୀଙ୍କ ପୂରା ନାମ ଥିଲା ମୋହନ ଦାସ କରମଚାନ୍ଦ ଗାନ୍ଧୀ । ଆସନ୍ତୁ ଏକ କାହାଣୀ ମାଧ୍ୟମରେ ଜାଣିବା , ଗାନ୍ଧିଜୀ ପ୍ରଭୁ ରାମଙ୍କୁ ବିଶ୍ୱାସ କରିବାର କାରଣ ବିଷୟରେ …..
ବହୁତ ରାତି ହୋଇଯାଇଥାଏ। ମୋହନ ଦାସ କରମ ଚାନ୍ଦ ଗାନ୍ଧୀ ଡ଼ରି ଯାଇଥାଆନ୍ତି। ଭୂତପ୍ରେତର ଡ଼ର ତାଙ୍କୁ ସର୍ବଦା ଥାଏ । ଯେତେବେଳେ ସେ ଅନ୍ଧାର ସମୟରେ ଏକା ରହିଥାଆନ୍ତି, ତାଙ୍କୁ ଲାଗିଥାଏ କି ସତେ ଯେପରି ନିକଟରେ ଭୂତ ଅଛି। ତେଣୁ ସେହିଦିନ ଅନ୍ଧାରରେ ତାଙ୍କୁ ବହୁତ ଡ଼ର ଲାଗୁଥିଲା ଓ ତାଙ୍କୁ ଘରର ଗୋଟିଏ କୋଠରୀ ରୁ ଅନ୍ୟ କୋଠରୀ କୁ ଯିବାକୁ ଥିଲା। ବହୁତ ସାହାସ ବାନ୍ଧି ସେ ତାଙ୍କ ବସିବା ସ୍ଥାନରୁ ଉଠିଲେ, ଏହି ସବୁ ଘଟଣା ତାଙ୍କ ଘରେ କାମ କରୁଥିବା ରମ୍ଭା ଦେଖୁଥିଲା। କଣ ହେଲା ପୁଅ ବୋଲି ସେ ମୋହନଙ୍କୁ ପଚାରିଲା ?
ମୋତେ ଡ଼ର ଲାଗୁଛି ବୋଲି ମୋହନ ଉତ୍ତର ଦେଇଥିଲେ।
ରମ୍ଭା ତାଙ୍କୁ କହିଲେ, କେଉଁ କଥାର ଡ଼ର ପୁଅ!
ମୋହନ ତାଙ୍କୁ ଉତ୍ତର ଦେଲେ,କେତେ ଅନ୍ଧାର ଯଦି ଭୂତ ଆସେ! ସେହି କାରଣରୁ ମତେ ଡ଼ର ଲାଗୁଛି।
ଏହା ଶୁଣି ରମ୍ଭା ତାଙ୍କ ମୁଣ୍ଡକୁ ଆଉଁସି ଉତ୍ତର ଦେଲେ ଯେ, ପୁଅ ପ୍ରଭୁ ଶ୍ରୀ ରାମଙ୍କୁ ସର୍ବଦା ସ୍ମରଣ କର, ସେ ସର୍ବଦା ତୁମର ରକ୍ଷା କରିବେ। କୌଣସି ବିପଦ ତମକୁ ସ୍ପର୍ଶ କରିପାରିବ ନାହିଁ।
ଏହି କଥାଟି ମୋହନଙ୍କ ମନକୁ ଅତ୍ୟନ୍ତ ଛୁଇଁ ଥିଲା ଓ ପ୍ରଭୁ ରାମଙ୍କ ଉପରେ ସେବେଠୁ ତାଙ୍କର ଖୁବ ବିଶ୍ୱାସ ମଧ୍ୟ କରୁଥିଲେ।
ଏପରି ମୃତ୍ୟୁ ସମୟରେ ତାଙ୍କ ମୁଖରୁ ବାହାରିଥିଲା ‘ହେ,ରାମ’।
