ପୁଲିସ ଓ ଦୁର୍ଦ୍ଦାନ୍ତ ଅପରାଧୀ ମଧ୍ୟରେ ଧସ୍ତାଧସ୍ତି ; ନିଜ ବନ୍ଧୁକରୁ ଗୁଳି ଫୁଟି ଅପରାଧୀ ମୃତ

ବାଲେଶ୍ବର :  ପୁଲିସ ସହ ଦୁର୍ଦ୍ଦାନ୍ତ ଅପରାଧୀର ଧସ୍ତାଧସ୍ତି ବେଳେ ଅପରାଧୀର ମୃତ୍ୟୁ ଘଟିଛି। ପୁଲିସ ଅପରାଧୀର ବନ୍ଧୁକ ଛଡାଇଲା ବେଳେ ନିଜ ବନ୍ଧୁକରୁ ଗୁଳି ଫୁଟି ଅପରାଧୀର ମୃତ୍ୟୁ ଘଟିଛି। ବାଲେଶ୍ବର ଜିଲ୍ଲା ବାହାନଗା ଗୋପାଳପୁର ଫାଣ୍ଡି  ବରିପଦା କଙ୍କଡା ଛକରେ ପୁଲିସ୍ ସହ ଦୁର୍ଦ୍ଦାନ୍ତ ଅପରାଧି ରୁଣ୍ଡୁ (ଲଷ୍ମୀଧର) ମଧ୍ୟରେ ଧସ୍ତାଧସ୍ତି ହୋଇଥିଲା । ଋଣ୍ଡୁଠାରୁ ବନ୍ଧୁକ ଛଡାଇଲା ବେଳେ ନିଜ ବନ୍ଧୁକରୁ ଗୁଳି ଫୁଟି ଦୁର୍ଦ୍ଦାନ୍ତ ଅପରାଧୀ ରୁଣ୍ଡୁ ମଳିକର ମୃତ୍ୟୁ ଘଟିଛି । ରୁଣ୍ଡୁ ମଳିକ ନାମରେ ପୂର୍ବରୁ ୩୦ରୁ ଉର୍ଦ୍ଧ୍ବ ଅପରାଧିକ ମାମଲା ଥିବା ସୁଚନା ମିଳିଛି । ପୁଲିସ ରୁଣ୍ଡୁକୁ ଧରିବାକୁ ଯାଇଥିବା ବେଳେ ସେ ପୁଲିସ ଉପରକୁ ଆକ୍ରମଣ କରିଥିଲା। ପୁଲିସ ସହିତ ଧସ୍ତାଧସ୍ତି ବେଳେ ନିଜ ବନ୍ଧୁକରୁ ଗୁଳି ଫୁଟି ରୁଣ୍ଡୁ ମଳିକର ମୃତ୍ୟୁ ଘଟିଛି।

ଋଣ୍ଡୁର ଛାତି ଓ ଡାହାଣ ବାହୁରେ ଗୁଳି ବାଜିଛି। ଘଟଣା ସ୍ଥଳରେ ସଦର ଏସଡିପିଓ ପଦାରବିନ୍ଦ ତ୍ରିପାଠୀଙ୍କ ନେତୃତ୍ୱରେ ତଦନ୍ତ ଚାଲିଛି।