ହରଭଙ୍ଗା : ବୌଦ୍ଧ -ଧଳପୁର ଜଗନ୍ନାଥ ସଡ଼କର ପ୍ରଗଲପୁର ତସଲା ପଡିଆ ନିକଟରେ ରବିବାର ସକାଳୁ ସକାଳୁ ଏକ କାର ପୋଲ ବାଡାରେ ବାଡେଇ ହୋଇ ଦୁର୍ଘଟଣାଗ୍ରସ୍ତ ହୋଇଛି । ଗାଡିରେ ଥିବା ୪ଜଣ ଅଳ୍ପକେ ଦୁର୍ଘଟଣାରୁ ବର୍ତ୍ତି ଯାଇଛନ୍ତି। ଗାଡି ଛାଡି ସମସ୍ତେ ଫେରାର ହୋଇଥିବା ଜଣାପଡିଛି ।ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଗାଡିଟି ବୌଦ୍ଧ ପଟୁ ଧଳପୁର ଆଡକୁ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା ଓ ଗାଡ଼ିରେ ଥିବା ୪ଜଣ ଗାଡି ଭିତରୁ ବସ୍ତା ଗୁଡିକ ଧରି ମହାନଦୀ ଆଡକୁ ଚାଲିଯାଇଥିଲେ। ଅନ୍ୟ ଜଣେ ଏକ ପଲସର ଗାଡ଼ିରେ କାରର ଡ଼ିକିରୁ ଏକ ବସ୍ତା ଲୋଡ଼ କରି ବୌଦ୍ଧ ପଟକୁ ଚାଲିଯାଇଥିଲା । ଗାଡି ଭିତରେ ବର୍ତମାନ ବିଭିନ୍ନ ଗାଡିର ୪ ଗୋଟି ଚାବି ଥିବା ବେଳେ ଏହା ଏକ ଗଂଜେଇ ଚୋରା ଚାଲାଣ ଗାଡି ହୋଇଥିବା ସ୍ଥାନୀୟ ଲୋକେ ସନ୍ଦେହ କରିଛନ୍ତି । ଧଳପୁର -ଆଠମଲ୍ଲିକ ମହାନଦୀ ସେତୁକୁ ଜଗନ୍ନାଥ ସଡ଼କ ସଂଯୋଗ କରୁଥିବାରୁ ଗଂଜେଇ ବେପାରୀଙ୍କ ପାଇଁ ଏହା ସୁରକ୍ଷା ପଥ ପାଲଟିଛି। ଦୁର୍ଘଟଣା ସ୍ଥଳରେ ବୌଦ୍ଧ ପୁଲିସ ପହଂଚି ଗାଡିକୁ ଜବତ କରିବା ସହିତ ଘଟଣାର ତଦନ୍ତ କରୁଛି।
Comments are closed.