ହରଭଙ୍ଗା : ବୌଦ୍ଧ ଜିଲ୍ଲା ପୁରୁଣାକଟକଠାରେ ନୂତନ ଭାବେ ନିର୍ମାଣ ହୋଇଥିବା ହରଭଙ୍ଗା ବସଷ୍ଟାଣ୍ଡକୁ ଗୁରୁବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଭାସି ମାଧ୍ୟମରେ ଲୋକାର୍ପଣ କରିଛନ୍ତି। ଏହି ଲୋକାର୍ପଣ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ପଂଚାୟତିରାଜ, ଜଙ୍ଗଲ ପରିବେଶ ଓ ଜଳବାୟୁ ପରିବର୍ତନ ତଥା ସୂଚନା ଲୋକ ସର୍ମ୍ପକ ମନ୍ତ୍ରୀ ପ୍ରଦୀପ କୁମାର ଅମାତ ମୁଖ୍ୟ ଅତିଥିଭାବେ ଯୋଗଦାନ କରିଥିଲେ।
ଅନ୍ୟତମ ଅତିଥିଭାବେ କଟାଂମାଳ ବିଧାୟକ ମହିଧର ରଣା, ବୌଦ୍ଧ ଜିଲ୍ଲାପାଳ ଜେ.ସୋନାଲ , ପର୍ଯ୍ୟବେକ୍ଷକ ଚିତ କର୍ଣ୍ଣ ପ୍ରମୁଖ ଯୋଗଦାନ କରିଥିଲେ। ଲୋକାର୍ପଣ କାର୍ଯ୍ୟକ୍ରମରେ ବ୍ଲକର ବିଭିନ୍ନ ପଂଚାୟତର ଜନପ୍ରତିନିଧି ସାଙ୍ଗକୁ ଶତାଧିକ ସଂଖ୍ୟାରେ ମିଶନଶକ୍ତି ଏବଂ ସ୍ୱୟଂ ସହାୟକ ମହିଳାମାନେ ଯୋଗଦାନ କରିଥିଲେ।
ସୂଚନା ଥାଉ କି ରାଜ୍ୟ ପୁଲିସ ହାଉସିଂ ଓ ନିରାପତା କର୍ପୋରେସନ ଭୁବନେଶ୍ୱର ଦ୍ୱାରା ୬କୋଟି ୮୯ଲକ୍ଷ ୧୭ହଜାର ଟଙ୍କା ବ୍ୟୟବରାଦରେ ହରଭଙ୍ଗା ବସଷ୍ଟାଣ୍ଡ ନିର୍ମାଣ କରାଯାଇଛି। ୯ ହଜାର ୬ଶହ ବର୍ଗଫୁଟର ମୁଖ୍ୟ କୋଠା , ୩ ହଜାର ୪୨୨ ବର୍ଗଫୁଟର ମାର୍କେଟ କମ୍ପେଲକ୍ସ,୧୮୬ବର୍ଗଫୁଟର ସିକ୍ୟୁରିଟି ସେଡ, ୫୦୮ବର୍ଗଫୁଟର ଡ୍ରାଇଭର ସେଡ, ୮୯୩.୫୦ବର୍ଗଫୁଟର କ୍ୟାଟିଂନ ନିର୍ମାଣ ହୋଇଥିବା ସୂଚନା ମିଳିଛି।
Comments are closed.