ସେକ୍ସପିଅରଙ୍କ ମାକବେଥ ଓ ସଫୋକ୍ଲିସଙ୍କ ଓଡ଼ିପସ ଟ୍ରାଜେଡି ଉପରେ ଆଲୋଚନା

ହରଭଙ୍ଗା : ହରଭଙ୍ଗା ବ୍ଲକ ପୁରୁଣାକଟକ ଭୈରବୀ ଡିଗ୍ରୀ ମହାବିଦ୍ୟାଳୟ ପକ୍ଷରୁ ପ୍ରମୋଦ କୁମାର ମହାପାତ୍ରଙ୍କ ଅଧ୍ୟକ୍ଷତାରେ ଗୁରୁବାର ଆନ୍ତଇଂରାଜୀ ପାଠଚକ୍ର ଅନୁଷ୍ଠିତ ହୋଇଯାଇଛି। ଏହି ଆଲୋଚନାଚକ୍ରରେ ବୌଦ୍ଧ ପଞ୍ଚାୟତ ମହାବିଦ୍ୟାଳୟର ଅଧ୍ୟକ୍ଷ ପ୍ରକାଶ ଚନ୍ଦ୍ର ବେହେରା ମୁଖ୍ୟଅତିଥି ଭାବରେ ଯୋଗଦେଇ ଥିବାବେଳେ ଭୈରବୀ ଡିଗ୍ରୀ ମହାବିଦ୍ୟାଳୟର ଅଧ୍ୟକ୍ଷ ରମେଶଚନ୍ଦ୍ର ତରେଣିଆ ସମ୍ମାନୀତ ଅତିଥି ଭାବରେ ଯୋଗଦାନ ଦେଇ ଇଂରାଜୀ ପାଠଚକ୍ରକୁ ସଫଳ କରିଥିଲେ। ଏହି ଆଲୋଚନାଚକ୍ରରେ ସେକ୍ସପିଅରଙ୍କ ମାକବେଥ ଓ ସଫୋକ୍ଲିସଙ୍କ ଓଡ଼ିପସ ଟ୍ରାଜେଡି ଉପରେ ଆଲୋଚନା ହୋଇଥିଲା। ଏ ଅବସରରେ ଇଂରାଜୀ ବିଭାଗର ଏକ ପତ୍ରିକା ‘ଲିଟ୍ରାରାରୀ ଭଏସେସ ଏବଂ ଭିଜନ୍ସ’ ଉନ୍ମୋଚିତ ହୋଇଥିଲା।

ଉକ୍ତ ପାଠଚକ୍ରରେ ଭୈରବୀ ଡିଗ୍ରୀ ମହାବିଦ୍ୟାଳୟ, ବୌଦ୍ଧ ପଞ୍ଚାୟତ ମହାବିଦ୍ୟାଳୟ , ମଡେଲ ମହାବିଦ୍ୟାଳୟ, କଣ୍ଟାମାଳ ମହାବିଦ୍ୟାଳୟ ଓ ସୋନପୁର ମହାବିଦ୍ୟାଳୟର ଛାତ୍ରଛାତ୍ରୀ ଯୋଗ ଦେଇ ୨୫ଟି ସନ୍ଦର୍ଭ ପାଠ କରିଥିଲେ। ତା’ପରେ ଅଧ୍ୟାପକ ଓ ଅଧ୍ୟାପିକା ମାନଙ୍କ ଦ୍ବାରା ସନ୍ଦର୍ଭ ପାଠ କରାଯାଇ ପୁଙ୍ଖନୁପୁଙ୍ଖ ଭାବେ ଆଲୋଚନା କରାଯାଇଥିଲା। ଉକ୍ତ ପାଠଚକ୍ରରେ ମୁଖ୍ୟ ଆଲୋଚକ ଭାବେ ପ୍ରଭାତ ଚନ୍ଦ୍ର ମିଶ୍ର ଯୋଗ ଦାନ ଦେଇ ସମସ୍ତ ଦିଗ ଦିଗନ୍ତ ଉପରେ ଆଲୋଚନା କରିଥଲେ। ଏହି ଆଲୋଚନାଚକ୍ରରେ ବୌଦ୍ଧ ପଞ୍ଚାୟତ ମହାବିଦ୍ୟାଳୟର ଅଧ୍ୟାପକ ଲକ୍ଷ୍ମଣ ମେହେର, ପ୍ରକାଶ କୁମାର ମେହେର, ଅଧ୍ୟାପିକା କଲ୍ୟାଣୀ ସୁନାନି , ବୌଦ୍ଧ ମଡେଲ ମହାବିଦ୍ୟାଳୟର ଅଧ୍ୟାପିକା ପ୍ରଜ୍ଞା ପରୀମିତା, ସୁନୀତା ଭୋଇ ଯୋଗ ଦାନ ଦେଇଥିବା ବେଳେ କଣ୍ଟାମାଳ ମହାବିଦ୍ୟାଳୟର ଦେବଦାସ ମହାପାତ୍ର, ସୋନପୁର ମହାବିଦ୍ୟାଳୟ ଅଧ୍ୟାପକ ରାଜେନ୍ଦ୍ର ରଣା ଓ ଜନତା ମହାବିଦ୍ୟାଳୟ, ଢେଙ୍କାନାଳ ଅଧ୍ୟାପକ ଡ଼ ବସନ୍ତ କୁମାର ପଟ୍ଟନାୟକ ଯୋଗଦେଇଥିଲେ। ଉକ୍ତ କାର୍ଯ୍ୟକ୍ରମକୁ ଭୈରବୀ ଡିଗ୍ରୀ ମହାବିଦ୍ୟାଳୟର ଛାତ୍ରୀ ପ୍ରଦିପ୍ତୀ ପ୍ରଧାନ ଓ ପାଙ୍କଜିନି ସାହୁ ସଂଯୋଜନା କରିଥିଲେ ଓ ଇଂରାଜୀ ବିଭାଗର ଅଧ୍ୟାପିକା ପୂଜାରାଣି ଦେଓ ଧନ୍ୟବାଦ ଅର୍ପଣ କରିଥିଲେ।