ଗୁଣୁପୁର – ରାୟଗଡା ଜିଲ୍ଲା ପଦ୍ମପୁର ବ୍ଲକ୍ କେନ୍ଦୁଗୁଡା ଠାରେ ଆଜି ଏକ ଅଭାବନୀୟ ଘଟଣା ଘଟିଛି । ଏକ ଦୁର୍ଘଟଣାରେ ଦୁଇଜଣଙ୍କ ଜୀବନ ଚାଲିଯାଇଛି । ଗୋଟିଏ ଟ୍ରାକ୍ଟର ସ୍ଥାନୀୟ ଅଞ୍ଚଳରେ ଚାଷ କରିବାକୁ ଯାଉଥିବା ବେଳେ ହଠାତ ଆଗ ଚକ ବାହାରି ଯିବାରୁ ଭାରସାମ୍ୟ ହରାଇଥିଲା । ଟ୍ରାକ୍ଟରଟି ରାସ୍ତା ପାର୍ଶ୍ଵରେ ଥିବା ଘର ଆଡ଼କୁ ମାଡ଼ି ଯାଇଥିଲା ।
ସେଠାରେ ଠିଆ ହୋଇଥିବା କେନ୍ଦୁଗୁଡା ଗ୍ରାମର ଲାଲୁ ବୀର ଓ ନରସିଂହ ଶବର କିଛି ବୁଝିବା ଆଗରୁ ତାଙ୍କ ଉପରକୁ ଟ୍ରାକ୍ଟର ମାଡି ଯାଇଥିଲା । ଘଟଣା ସ୍ଥଳରେ ଲାଲୁ ବୀର ମୃତ୍ୟୁ ବରଣ କରିଥିବା ବେଳେ ପଦ୍ମପୁର ସ୍ଵାସ୍ଥ୍ୟକେନ୍ଦ୍ର ରେ ନରସିଂହ ଶବର ଙ୍କ ମୃତ୍ୟୁ ଘଟିଛି । ପଦ୍ମପୁର ପୋଲିସ ଏକ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଥିବା ବେଳେ ଟ୍ରାକ୍ଟର ଚାଳକ ଘଟଣା ସ୍ଥଳରୁ ଚମ୍ପଟ ମାରିଥିବା ସୂଚନା ମିଳିଛି ।
Comments are closed.