ଅହମଦାବାଦ : ଗୁଜୁରାଟରେ କଂଗ୍ରେସ ବିଧାୟିକା ଆଶା ପଟେଲ ଶନିବାର ବିଧାନସଭା ଏବଂ ଦଳର ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଇଛନ୍ତି। ଦଳୀୟ ଆଭ୍ୟନ୍ତରୀଣ କଳହ ପାଇଁ ସେ ଇସ୍ତଫା ଦେବାକୁ ନିଷ୍ପତ୍ତି ନେଇଥିବା ଦର୍ଶାଇଛନ୍ତି। ମେହସାଣା ଜିଲା ଉଞ୍ଝା ବିଧାୟିକା ଆଶା ପଟେଲ ଗାନ୍ଧୀନଗରଠାରେ ଗୁଜୁରାଟ ବିଧାନସଭା ବାଚସ୍ପତି ରାଜେନ୍ଦ୍ର ତିବ୍ରେଦୀଙ୍କୁ ଶନିବାର ସକାଳେ ଭେଟି ନିଜ ଇସ୍ତଫା ପତ୍ର ପ୍ରଦାନ କରିଥିଲେ। ବିଧାନସଭା ବାଚସ୍ପତି ତାଙ୍କ ଇସ୍ତଫାପତ୍ର ଗ୍ରହଣ କରିଛନ୍ତି । ପଟେଲଙ୍କ ଇସ୍ତଫା କଂଗ୍ରେସ ପାଇଁ ଏକ ଝଟକା ବୋଲି କୁହାଯାଉଛି। ୨୦୧୭ ବିଧାନସଭା ନିର୍ବାଚନରେ ପଟେଲ ବିଜେପି ପ୍ରାର୍ଥୀଙ୍କୁ ହରାଇ କଂଗ୍ରେସ ପାଇଁ ଉଞ୍ଝା ବିଧନାସଭା ଆସନ ଅକ୍ତିଆର କରିଥିଲେ। ଆଶା ପଟେଲ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ନିକଟକୁ ନିଜ ଇସ୍ତଫାପତ୍ର ପଠାଇଛନ୍ତି। ସେ କହିଛନ୍ତି ଯେ ଦଳୀୟ ଆଭ୍ୟନ୍ତରୀଣ କନ୍ଦଳ ଏବଂ ଦଳୀୟ ନେତୃବୃନ୍ଦଙ୍କ ଦ୍ୱାରା ଅଣଦେଖାର ଶିକାର ହେବା ଯୋଗୁଁ ଇସ୍ତଫା ଦେଇଛନ୍ତି।
Popular Categories
Previous article
Next article