ନୂଆଦିଲ୍ଲୀ: ଦେଶ ପାଇଁ କ୍ଷତିକାରକ ବିଦେଶୀ ନାଗରିକ ତାଲିକାରେ ଅନ୍ତର୍ଭୁକ୍ତ ଶିଖ୍ ସଂପ୍ରଦାୟର ୩୧୨ ଜଣଙ୍କୁ ଭିସା ମିଳିବ ଓ ସେମାନେ ଭାରତ ଆସିପାରିବେ। ସରକାର ସେହି ତାଲିକାରେ ସରକାର ସଂଶୋଧନ କରି ୩୧୪ ଜଣକ ମଧ୍ୟରୁ ମାତ୍ର ୨ ଜଣଙ୍କୁ ରଖିଥିବା ଜଣାପଡିଛି। ଏହି ସଂଶୋଧନ ଫଳରେ ବିଦେଶୀ ଶିଖ୍ ନାଗରିକମାନେ ଭାରତକୁ ଆସି ସେମାନଙ୍କର ପରିବାର ସଦସ୍ୟମାନଙ୍କୁ ଭେଟିବା ସହ ନିଜର ବଂଶଧରମାନଙ୍କ ସହ ସଂପର୍କ ସ୍ଥାପନ କରିପାରିବେ। ୧୯୮୦ ମସିହାରେ ଶିଖ୍ ସଂପ୍ରଦାୟର ଅନେକ ଭାରତୀୟ ଓ ବିଦେଶୀ ନାଗରିକଙ୍କୁ ଭାରତ ବିରୋଧୀ ଅପପ୍ରଚାର ଅଭିଯୋଗରେ ଦେଶ ଭିତରେ ପ୍ରବେଶ ପାଇଁ ନିଷିଦ୍ଧ କରାଯାଇଥିଲା।
ସେ ସମୟରେ ସେମାନେ ଭାରତ ଛାଡ଼ି ପଳାୟନ କରିଥିଲେ ଓ ବିଦେଶରେ ନାଗରିକତ୍ୱ ଗ୍ରହଣ କରି ଆଶ୍ରୟ ନେଇଥିଲେ। ସେମାନଙ୍କୁ ଏହି ତାଲିକାରେ ୨୦୧୬ ମସିହା ପର୍ଯ୍ୟନ୍ତ ରଖାଯାଇଥିଲା ଏବଂ ଭାରତକୁ ଆସିବାକୁ ହେଲେ ଭିସା ନେବାକୁ ପଡ଼ୁଥିଲା।
