ଗୋପାଳପୁର: ଗୋପାଳପୁର କଂଗ୍ରେସରେ ଏକ ନୂତନ ସମୀକରଣ ଦେଖିବାକୁ ମିଳିଥିବା ବେଳେ ଆଜି ଓଡିଶା ପ୍ରଦେଶ କଂଗ୍ରେସ କମିଟ ପକ୍ଷରୁ ନୂତନ ଭାବେ ଡବ୍ଲୁ .ବାଳକ୍ରିଷ୍ଣାଙ୍କୁ ରଙ୍ଗେଇଲୁଣ୍ଡା ବ୍ଲକ କଂଗ୍ରେସ ସଭାପତି ଭାବେ ମନୋନୀତ କରାଯାଇଛି। ଆଜି ଏହି କ୍ରମରେ ପ୍ରଦେଶ କଂଗ୍ରେସ କମିଟି ପକ୍ଷରୁ ଏକ ବିଜ୍ଞପ୍ତି ଜରିଆରେ ଏହା ପ୍ରକାଶ କରାଯାଇଛି। ନୂତନ ଭାବେ ବ୍ଲକ କଂଗ୍ରେସ ସଭାପତି ମନୋନୀତ ହେବା ପରେ ବାଳକ୍ରିଷ୍ଣା ସାମ୍ବାଦିକମାନଙ୍କୁ ସୂଚନା ଦେଇ କହିଛନ୍ତି ଯେ ଆଗାମୀ ଦିନରେ କଂଗ୍ରେସ ଦଳରେ ଥିବା ତୃଣମୂଳ ସ୍ତରର କର୍ମୀମାନଙ୍କୁ ଏକଜୁଟ କରାଇବା ସହ ଆଗାମୀ ପଞ୍ଚାୟତ ନିର୍ବାଚନରେ ସମସ୍ତ ୩୨ ପଞ୍ଚାୟତରେ କଂଗ୍ରେସ ସମର୍ଥିତ ସରପଞ୍ଚ ଓ ସମିତି ସଭ୍ୟଙ୍କୁ ଜିତାଇବା ଏବଂ ୩ଟି ଜିଲ୍ଲା ପରିଷଦ ଜୋନ ସଭ୍ୟ ପଦବୀ ଦଳ କିପରି ଅକ୍ତିଆର କରିବ ତାହା ନେଇ ରଣନୀତି ପ୍ରସ୍ତୁତ କରିବେ। ଏହା ସହ କଂଗ୍ରେସ ଦଳ ପକ୍ଷରୁ ତାଙ୍କୁ ଏତେ ବଡ ଗୁରୁ ଦାୟିତ୍ବ ଦେଇଥିବାରୁ ସେ ଜିଲ୍ଲା ସଭାପତି ରମେଶ ଜେନା ସମେତ ପ୍ରଦେଶ ସଭାପତି ନିରଞ୍ଜନ ପଟ୍ଟନାୟକ, ସୋନିଆ ଗାନ୍ଧି ଓ ରାହୁଲ ଗାନ୍ଧୀ ପ୍ରମୁଖଙ୍କୁ କୃତଜ୍ଞତା ଜଣାଇଛନ୍ତି।
Comments are closed.