ସୁଆଣ୍ଡୋ: ଓଡ଼ିଶାର ଅବିସମ୍ବାଦୀ ଜନନେତା ପ୍ରଜ୍ଞା ପୁରୁଷ ‘ସମାଜ’ର ପ୍ରତିଷ୍ଠାତା ଉତ୍କଳୀୟ ଜନସାଧାରଣଙ୍କ ଆପଣାର ମଣିଷ ହେଉଛନ୍ତି ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ । ତାଙ୍କ ଜନ୍ମମାଟିକୁ ଜ୍ଞାନ ପୀଠ ଭାବେ ଗଢିବା ପାଇଁ ସରକାରଙ୍କ ପକ୍ଷରୁ ବହୁମୁଖୀ ଐତିହ୍ୟ ପ୍ରକଳ୍ପର ନିର୍ମାଣ କାମ ଚାଲିଛି । ଯଦ୍ବାରା କି ରାଜ୍ୟ ସରକାରଙ୍କ ଏହି ମହତ ଉଦ୍ୟମକୁ ଓଡ଼ିଶାର ପ୍ରତ୍ୟେକ ସ୍ତରରୁ ପ୍ରଶଂସା କରାଯାଉଛି । ଭୁବନେଶ୍ୱର-ପୁରୀ ୩୧୬ ନଂ ଜାତୀୟ ରାଜପଥ ପଟ୍ଟନାୟିକିଆ-ସୁଆଣ୍ଡୋ ରାସ୍ତାରେ ପ୍ରତିଦିନ ବହୁ ସଂଖ୍ୟାରେ ଲୋକ ସୁଆଣ୍ଡୋ ଯାଇଥାନ୍ତି । ସେହି ମହାପୁରୁଷଙ୍କ ନାମରେ ଉକ୍ତ ରାସ୍ତାଟି ‘ପଣ୍ଡିତ ଗୋପବନ୍ଧୁ ମାର୍ଗ’ କରାଯିବାକୁ ଗୋପବନ୍ଧୁ ସ୍ମୃତିପରିଷଦ, ଉତ୍କଳ ସ୍ୱାଭିମାନ ମଞ୍ଚ, ପଞ୍ଚସଖା ସ୍ମୃତିପରିଷଦ, ନୀଳାଚଳ କୃଷକ ମଞ୍ଚ, ମା’ ଚର୍ଚ୍ଚିକା ସ୍ପୋଟିଂ କ୍ଲବ ଓ ଗରିବର ସାଥୀ ପ୍ରମୁଖ ସଙ୍ଗଠନ ପକ୍ଷରୁ ଦାବି ହେଉଛି। ଏ ସମ୍ପର୍କରେ ବିଭିନ୍ନ ସଙ୍ଗଠନ ତରଫରୁ ଜିଲାପାଳଙ୍କୁ ଦାବିପତ୍ର ଦିଆଯାଇଛି । ପୁଣ୍ୟଶ୍ଲୋକ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ସ୍ମୃତିକୁ ଉଜ୍ଜୀବିତ କରିବାକୁ ସରକାର ସୁଆଣ୍ଡୋରେ ବହୁ କୋଟି ଟଙ୍କା ବ୍ୟୟ କରି ଐତିହ୍ୟ ପ୍ରକଳ୍ପ କରୁଛନ୍ତି । ତେଣୁ ଉକ୍ତ ରାସ୍ତାର ନାମ ପଣ୍ଡିତ ଗୋପବନ୍ଧୁ ମାର୍ଗ କରାଯିବା ପ୍ରସ୍ତାବକୁ ଗ୍ରହଣ କରାଯିବାକୁ ସାଧାରଣରେ ଦାବି ହେଉଛି ।
Popular Categories
Previous article
Next article