ଫୁଲବାଣୀ : ଆଜି ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ୍ଙ୍କ ୧୪୭ ତମ ଜନ୍ମ ଜୟନ୍ତୀ। ଏହି ଅବସରରେ “ସମାଜ” ତରଫରୁ ଏକ ବିଶେଷ କାର୍ଯ୍ୟକ୍ରମ ଆୟୋଜିତ ହୋଇଛି। ବୁଧବାର ସକାଳ ୮ଟା ସମୟରେ ରୋଟାରୀ କ୍ଲବ୍ ଫୁଲବାଣୀ,ଏମ୍ କେ ଏସ୍ ପି, ଫୁଲବାଣୀ, ସ୍ୱେଚ୍ଛାସେବୀ ସଂସ୍ଥା “ସ୍ୱାତୀ”, ଇ-ଲାଇବ୍ରେରୀ ସମେତ ବିଭିନ୍ନ ସଂଗଠନର କର୍ମକର୍ତ୍ତା ଏବଂ ଗଣମାଧ୍ୟମ ପ୍ରତିନିଧିମାନେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ। ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ପ୍ରଭାକର ମହାରଣା , ରୋଟାରୀ କ୍ଲବ୍ ସଭାପତି ବିପ୍ରଚରଣ ପାତ୍ର,ଏମ୍ କେ ଏସ୍ ପି ସଭାପତି ବିଜୟକୃଷ୍ଣ ପଟ୍ଟନାୟକ,ସ୍ୱାତୀର ପ୍ରକଳ୍ପ ଅଧିକାରୀ ପ୍ରଦୀପ ସ୍ୱାଇଁ, ଉତ୍କଳ ସମ୍ମିଳନୀ ପ୍ରାକ୍ତନ ସଭାପତି ବସନ୍ତ କୁମାର ତ୍ରିପାଠୀ,ବରିଷ୍ଠ ଆଇନଜୀବୀ ପ୍ରତାପ ପାତ୍ର ଙ୍କ ସହ ବହୁ ସଂଖ୍ୟାରେ ସାଧାରଣ ଜନତା ଏଥିରେ ଯୋଗଦେଇଥିଲେ। ସମାଜ ଜିଲ୍ଲା ପ୍ରତିନିଧି ଅଶୋକ କୁମାର ମହାନ୍ତିଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମ ପାଇଁ ରୋଟାରୀଆନ୍ ପ୍ରସନ୍ନ ପଣ୍ଡା ଧନ୍ୟବାଦ ଅର୍ପଣ କରିଥଲେ।
Popular Categories
Previous article
Next article