ଜଗତସିଂହପୁର : ଜଗତସିଂହପୁର ଜିଲ୍ଲା ବିରିଡି ବ୍ଲକ ଅନ୍ତର୍ଗତ ବାଲିଆସ୍ଥିତ ଅଳକା ସରକାରୀ ହାଇସ୍କୁଲରେ ସ୍କୁଲର ଅନ୍ୟତମ ପ୍ରାଣ ପ୍ରତିଷ୍ଠାତା ତଥା ସ୍କୁଲର ପ୍ରାକ୍ତନ ପ୍ରଧାନ ଶିକ୍ଷକ ସ୍ବର୍ଗତ ଗିରିଧାରୀ ମହାନ୍ତିଙ୍କର ୧୦୫ ତମ ଜୟନ୍ତୀ ସ୍ବୃତି କମିଟି ପକ୍ଷରୁ ଗୁରୁବାର ପାଳନ କରାଯାଇଛି । ଏହି ଅବସରରେ ପ୍ରଥମେ ସ୍ବୃତି କମିଟି ପକ୍ଷରୁ ସ୍ବର୍ଗତ ମହାନ୍ତିଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା। ପରେ ସ୍କୁଲର ସମସ୍ତ ଛାତ୍ରଛାତ୍ରୀ, ଶିକ୍ଷକ, ପୁରାତନ ଛାତ୍ର ଏବଂ କମିଟି ସଦସ୍ୟଙ୍କୁ ନେଇ ଏକ ସ୍ମୃତି ସଭାରେ ସ୍ବର୍ଗତ ମହାନ୍ତିଙ୍କ ସ୍ବୃତି ଚାରଣ କରାଯାଇଥିଲା। ସ୍ବୃତି କମିଟିର ଉପଦେଷ୍ଟା ଡ଼ାଃ. ପ୍ରସନ୍ନ କୁମାର ଦାସଙ୍କ ଅଧ୍ୟକ୍ଷତାରେ ଆୟୋଜିତ ଏହି ସଭାରେ ସ୍ବର୍ଗତ ମହାନ୍ତିଙ୍କ ସୁପୁତ୍ର ଇଂ. ଅତୁଲ୍ୟ ଚନ୍ଦ୍ର ମହାନ୍ତି ଛାତ୍ରଛାତ୍ରୀମାନଙ୍କୁ ଭଲ ମଣିଷ ହେବାକୁ ପରାମର୍ଶ ଦେଇଥିଲେ।
ଚଳିତବର୍ଷ ମାଟ୍ରିକ ପରୀକ୍ଷାରେ ସର୍ବୋଚ୍ଚ ନମ୍ବର ରଖି ପାଶ କରିଥିବା ସ୍କୁଲର ଛାତ୍ରୀ ଜସ୍ମିନ ସାହୁଙ୍କୁ ତାଙ୍କ ପିତାମାତାଙ୍କ ଉପସ୍ଥିତିରେ ମାନପତ୍ର, ପୁଷ୍ପଗୁଚ୍ଛ, ଉପଢୌକନ ଏବଂ ୫୦୦୦ଟଙ୍କାର ପ୍ରୋତ୍ସାହନ ରାଶି ସ୍ମୃତି କମିଟି ପକ୍ଷରୁ ପ୍ରଦାନ କରାଯାଇ ତାଙ୍କ ଭବିଷ୍ୟତର ମଙ୍ଗଳକାମନା କରାଯାଇଥିଲା। ଅଳକା ଆଲୁମୁନି ଆସୋସିଏସନର ସଭାପତି ସରୋଜ କୁମାର ମହାପାତ୍ର, ପୁରାତନ ଛାତ୍ର ବସନ୍ତ ସାହୁ, ନନ୍ଦ କିଶୋର ହୋତା, ପ୍ରମୋଦ କୁମାର ହୋତା, ବାବାଜୀ ବାରିକ ପ୍ରମୁଖ ଉପସ୍ଥିତ ଥିଲେ। ଅଳକା ହାଇସ୍କୁଲର ପ୍ରଧାନ ଶିକ୍ଷକ ସୁରେନ୍ଦ୍ର ନାଥ ଦାସ ଧନ୍ୟବାଦ ଅର୍ପଣ କରିଥିଲେ।
