ଗଞ୍ଜାମ: ନିଜ ଫୋନ ପେ’ ଆକାଉଣ୍ଟକୁ ଭୁଲରେ ୪୦ହଜାର ଟଙ୍କା ଆସି ଯାଇଥିଲା। ଏହା ଜାଣିବା ପରେ ଜଣେ ଯୁବକ ସେହି ଟଙ୍କାକୁ ଏଟିଏମ୍ରୁ ବାହାର କରି ଭୁଲରେ ଟଙ୍କା ଫୋନ ପେ’ରେ ପଠାଇଥିବା ବ୍ୟକ୍ତିଙ୍କୁ ତାଙ୍କ ଟଙ୍କା ଫେରାଇ ଦେଇଥିଲେ। ଏଭଳି ଏକ ଉଦାହରଣ ଦେଖିବାକୁ ମିଳିଛି ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଧ ପଞ୍ଚାୟତର ପୁରୁଣାବନ୍ଧ ଗ୍ରାମର ଜୈନେକ ପ୍ରସାଦ ବେହେରା ଙ୍କକ୍ଷେତ୍ରରେ, ତାଙ୍କର ମହାନ ଗୁଣ ପାଇଁ ତାଙ୍କୁ ବିଭିନ୍ନ ମହଲରୁ ଉଚ୍ଚ ପ୍ରଶଂସା କରାଯାଇଛି।
ସୂଚନା ଯୋଗ୍ୟଯେ ଗଞ୍ଜାମ ଜିଲା ଗୋପାଳପୁର ସହରର ଜି. ତାତେୟା ନାମକ ଜନୈକ ଯୁବ ବ୍ୟବସାୟୀ ୪୦ ହଜାର ଟଙ୍କା ପ୍ରକାଶ କୁମାର ବେହେରାଙ୍କୁ ପଠାଇବାର ଥିଲା। କିନ୍ତୁ ସେ ତାଙ୍କ ଫୋନ ପେ’ ରେ ଭୁଲବଶତଃ ପ୍ରସାଦ କୁମାର ବେହେରାଙ୍କୁ ପଠାଇ ଦେଇଥିଲେ। ଏହା ପ୍ରସାଦ ଜାଣିବା ପରେ ଏଟିଏମରୁ ଟଙ୍କା ଉଠାଇ ତୁରନ୍ତ ଉଭୟ ଅଞ୍ଚଳର ଭଦ୍ରବ୍ୟକ୍ତିଙ୍କ ଉପସ୍ଥିତିରେ ତାଙ୍କ ଟଙ୍କା ଫେରସ୍ତ କରିଦେଇଥିଲେ। ପ୍ରସାଦଙ୍କ ଏହି ମହାନ ଗୁଣ ପାଇଁ ତାଙ୍କୁ ଟଙ୍କା ଫେରସ୍ତ ପାଇଥିବା ତାତେୟା ଧନ୍ୟବାଦ ଜଣାଇଥିଲେ। ଏହାକୁ ନେଇ ସ୍ଥାନୀୟ ଅଂଚଳର ଲୋକମାନେ ପ୍ରସାଦଙ୍କୁ ବେଶ ପ୍ରଶଂସା କରିଛନ୍ତି।
