ନୂଆଦିଲ୍ଲୀ: ଭଗବାନ ଗଣେଷଙ୍କୁ ବିଘ୍ନକର୍ତ୍ତା କୁହାଯାଏ। ସବୁ ଦେବାଦେବୀଙ୍କଠାରୁ ପ୍ରାରମ୍ଭରେ ଗଜାନନଙ୍କୁ ପୂଜା କରାଯାଏ। ଯେ କୌଣସି ବି ଶୁଭ କାର୍ଯ୍ୟରେ ଗଣେଷଙ୍କୁ ପ୍ରଥମେ ପୂଜା କରାଯିବାର ବିଧି ରହିଛି। ବୁଧବାର ଦିନକୁ ପ୍ରଭୁ ଗଣେଶଙ୍କ ପୂଜାର୍ଚ୍ଚନା ଲାଗି ସବୁଠୁ ଶୁଭ ଦିନ ବୋଲି ଗଣନା କରାଯାଏ। ତେଣୁ ଏହି ଦିନ ଭଗବାନ ଗଣେଶଙ୍କୁ ପୂଜା କଲେ ସୁଖ ସୌଭାଗ୍ୟ ପ୍ରାପ୍ତି ହେବା ସହ ସବୁ ଗ୍ରହ ଦୋଷ କଟିଥାଏ। ଯଦି ଆପଣମାନେ ପୂଜା ସହ ଦ୍ଵିଗୁଣ କୃପା ମିଳିବାକୁ ଚାହୁଁଛନ୍ତି , ତେବେ ଗଣେଶଙ୍କର ଏହି ମନ୍ତ୍ର ଜପ କରନ୍ତୁ। ଗଜାନନ ଏକାକ୍ଷର ମନ୍ତ୍ର ଭଗବାନ ଗଣେଷଙ୍କର ସବୁଠାରୁ ସରଳ ଏବଂ ପ୍ରଭାବଶାଳୀ ମନ୍ତ୍ର। ଏହି ମନ୍ତ୍ର ଉଚ୍ଚାରଣ କରିବା ଦ୍ଵାରା ସବୁ କଷ୍ଟ ଦୂର ହୋଇଥାଏ। ବୁଧବାର ଆପଣମାନେ ପ୍ରଭୁ ଗଣେଷଙ୍କୁ ପୂଜା କରିବା ସହ ଏହି ମନ୍ତ୍ରକୁ ୧୦୮ଥର ଜପ କରନ୍ତୁ। ଏହାଦ୍ଵାରା ଆପଣଙ୍କର ସବୁ ମନସ୍କାମନା ପୂର୍ଣ୍ଣ ହେବ। ଆହୁରି ମଧ୍ୟ ଏହି ମନ୍ତ୍ର ଜପ କଲେ ସମାଜରେ ସମ୍ମାନ ମିଳେ। ଯଦି ବାରମ୍ବାର ଚାକିରୀ ପାଇଁ ଚେଷ୍ଟା କରି ବିଫଳ ହେଉଛନ୍ତି, ତେବେ ଏହି ମନ୍ତ୍ରକୁ ୧୦୮ଥର ଜପ କରନ୍ତୁ। ସହଜରେ ସମସ୍ୟା ଦୂର ହୋଇଯିବ। ଯଦି ଆପଣଙ୍କର ଗ୍ରହ ସମ୍ବନ୍ଧୀୟ କୌଣସି ଦୋଷ ରହୁଛି , ତେବେ ତାହା ମଧ୍ୟ ର୍ନିବିଘ୍ନରେ ଦୂର ହେବ।
Comments are closed.