ଡେସ୍କ: ଗଗନଯାନର ଟିଭି-ଡି୧ର ପରୀକ୍ଷାମୂଳକ ଉତ୍କ୍ଷେପଣ ସଫଳ। ପ୍ରଥମ ପରୀକ୍ଷାମୂଳକ ପରୀକ୍ଷଣ କିଛି ସମୟ ପାଇଁ ସ୍ଥଗିତ ରଖିବା ପରେ ଶ୍ରୀହରିକୋଟାରୁ ସଫଳ ଭାବେ ଉତ୍କ୍ଷେପଣ କରାଯାଇଥିବା ଇସ୍ରୋ ପକ୍ଷରୁ ସାମାଜିକ ଗଣମାଧ୍ୟମରେ ସୂଚନା ଦିଆଯାଇଛି।
ଅନ୍ତରୀକ୍ଷରେ ପୁଣି ଇତିହାସ ରଚିଲା ଭାରତ
ଗଗନଯାନର ଟିଭି-ଡି୧ର ପରୀକ୍ଷାମୂଳକ ଉତ୍କ୍ଷେଫଳ ସଫଳ#GaganyaanMissionTest #ISRO #Samajalive pic.twitter.com/kDMG2tynDe— Samaja Live (@samajalive) October 21, 2023
ଅକ୍ଟୋବର ୨୧ ତାରିଖ ସକାଳ ୮ ସମୟରେ ଏହାର ଉତ୍କ୍ଷେପଣ ହେବାର ଥିଲା। ମାତ୍ର ଇଂଜିନ୍ରେ ଅଟୋମେଟିକ୍ ଇଗ୍ନିସନ୍ରେ ତ୍ରୁଟି ଯୋଗୁଁ ଗଗନଯାନର ଟିଭି-ଡି୧ର ପରୀକ୍ଷାମୂଳକ ଉଡାଣ ସ୍ଥଗିତ ରଖାଯାଇଥିଲା। ପରେ ଏହି ତ୍ରୁଟିକୁ ସୁଧାରିବା ପରେ ଦିନ ୧୦ଟା ସମୟରେ ଏହାର ଉତ୍କ୍ଷେପଣ ସଫଳ ହୋଇଥିବା ସୂଚନା ଦିଆଯାଇଛି। ଏବେ ଅନ୍ତରୀକ୍ଷ ଦିଗରେ ଗତି କରୁଛି ଗଗନଯାନର ଟିଭି-ଡି୧। ଏଥିରେ ଏକ ରୋବୋଟିକ୍ କ୍ରୁ ମଡେଲ୍ ରହିଛି। ପ୍ରଥମେ ସକାଳ ୮ଟା ପରେ ୮ଟା ୪୫ ପାଇଁ ଉତ୍କ୍ଷେପଣର ସମୟ ଧାର୍ଯ୍ୟ କରାଯାଇଥିଲା। ମାତ୍ର ଇଂଜିନରେ ତ୍ରୁଟି ଦେଖାଯିବାରୁ ଦିନ ୧୦ରେ ଏହି ତ୍ରୁଟିକୁ ସୁଧାରିବା ପରେ ଉତ୍କ୍ଷେପଣ କରାଯାଇଛି।
ଇସ୍ରୋ ପକ୍ଷରୁ ଟେଷ୍ଟ ଭେହିକିଲ୍ ସମ୍ପୂର୍ଣ୍ଣ ଭାବେ ସୁରକ୍ଷିତ ଥିବା କଥା କୁହାଯାଇଛି। ମାତ୍ର ଇଂଜିନ ଠିକ୍ ଭାବେ ଷ୍ଟାର୍ଟ ହୋଇ ନଥିବା କଥା ଟ୍ୱିଟର-ଏକ୍ସରେ ସୂଚନା ଦିଆଯାଇଛି। ଆସନ୍ତା ବର୍ଷ ପୁଣି ଥରେ ଟେଷ୍ଟ ଭେହିକିଲ୍ ପ୍ରେରଣ କରାଯିବ। ଏଥିରେ ହ୍ୟୁମାନଏଡ୍ ରୋବଟ ବୋମ୍ୟମିତ୍ରକୁ ପ୍ରେରଣ କରାଯିବ। ଏଥିରେ କୌଣସି ଅସୁବିଧା ହେଲେ ମହାକାଶଚାରୀଙ୍କୁ କିପରି ସୁରକ୍ଷିତ ଭାବେ ପୃଥିବୀକୁ ଫେରାଇ ଅଣାଯିବ ତାହାର ବ୍ୟବସ୍ଥା କରାଯାଇଛି। ୨୦୨୫ରେ ପୃଥିବୀଠାରୁ ୪୦୦ କିଲୋମିଟର ଦୂର ମହାକାଶକୁ ମାନବ ପ୍ରେରଣ କରାଯିବାର ଲକ୍ଷ୍ୟ ରଖାଯାଇଛି।
Mission Gaganyaan
TV D1 Test Flight is accomplished.
Crew Escape System performed as intended.
Mission Gaganyaan gets off on a successful note. @DRDO_India@indiannavy#Gaganyaan
— ISRO (@isro) October 21, 2023
ପ୍ରଥମ ପରୀକ୍ଷଣରେ ଶନିବାରରେ ପରୀକ୍ଷଣ ପରେ ଶ୍ରୀହରିକୋଟାରୁ ୧୦ କିଲୋମିଟର ଦୂର ସମୁଦ୍ରରେ ଏହାର ଅବତରଣ କରାଯିବ। ପରେ ଭାରତୀୟ ନୌସେନା ଏହାକୁ ଇସ୍ରୋକୁ ହସ୍ତାନ୍ତର କରିବ । ପାରାଚ୍ୟୁଟ୍ ମାଧ୍ୟମରେ ଏହାକ ସୁଦ୍ରରେ ଅବତରଣ କରାଯିବ।
Comments are closed.