ଡେସ୍କ: ଆସନ୍ତା ଏପ୍ରିଲ ୨୭ରୁ ୨୯ ଯାଏଁ ଭୁବନେଶ୍ୱରରେ ଜି୨୦ କାର୍ଯ୍ୟକାରୀ ଶିକ୍ଷା ଗୋଷ୍ଠୀର ତୃତୀୟ ବୈଠକ ଅନୁଷ୍ଠିତ ହେବ। ଏହି ବୈଠକରେ ଜି୨୦ ସଦସ୍ୟ ଦେଶଗୁଡିକର ପ୍ରତିନିଧି ମାନେ ଯୋଗଦେବାର କାର୍ଯ୍ୟକ୍ରମ ରହିଛି। କେନ୍ଦ୍ର ଶିକ୍ଷା ରାଷ୍ଟ୍ରମନ୍ତ୍ରୀ ଡଃ ସୁବାସ ସରକାର ଏପ୍ରିଲ ୨୭ରେ ଏହି ବୈଠକର ଶୁଭାରମ୍ଭ କରିବେ।
ଏହି ବୈଠକରେ ମୁଖ୍ୟତଃ ୪ଟି ବିଷୟ ଉପରେ ଗୁରୁତ୍ୱ ଦିଆଯିବ ବୋଲି ସୂଚନା ମିଳିଛି। ସେଗୁଡିକ ହେଉଛି ମୂଳ ସାକ୍ଷରତା, ଜ୍ଞାନ କୌଶଳ ଭିତ୍ତିକ ଶିକ୍ଷା ଗ୍ରହଣ, କାର୍ଯ୍ୟ ଭବିଷ୍ୟତ ଏବଂ ଅନୁସନ୍ଧାନ ସହଯୋଗ। ଏହି ବୈଠକ କାଳରେ ବିଭିନ୍ନ ଦେଶର ପ୍ରତିନିଧି ମାନେ ଓଡିଶାର କଳା, ସଂସ୍କୃତି, ହସ୍ତତନ୍ତ, ହସ୍ତକଳା ପ୍ରଭୃତି ସହ ପରିଚିତ ହେବେ।
Comments are closed.