ଜି.ଉଦୟଗିରି: ଟିକାବାଲି ବ୍ଳକ ଅନ୍ତର୍ଗତ ଗାର୍ଦୀଙ୍ଗିଆ ଉଚ୍ଚ ବିଦ୍ୟାଳୟରେ ଭାଷା, ସାହିତ୍ୟ ଓ ସୃଜନଶୀଳତା ଉତ୍ସବ ପ୍ରଧାନ ଶିକ୍ଷକହୃଷୀକେଶ ନାୟକଙ୍କ ଅଧ୍ୟକ୍ଷତା ପାଳିତ ହୋଇଯାଇଛି। ଆୟୋଜିତ ଉତ୍ସବରେ ଉଦଘାଟକ ଭାବେ ସ୍ଥାନୀୟ ସରପଞ୍ଚ ଜୀତେନ୍ଦ୍ର ମଲିକ, ସମିତି ସଭ୍ୟ ଆଲଫନ୍ ତ୍ପ୍ରଧାନ, ଡ଼ା ରାହୁଲ ତ୍ରିପାଠୀ ଓ ଫାର୍ମାସିଷ୍ଟ ରଞ୍ଜନ ଦିଗାଲ ଯୋଗଦେଇ ରିବନ୍ କାଟି ଉଦଘାଟନ କରିଥିଲେ। ପରେ ଅତିଥି ମାନେ ଉପସ୍ଥିତ ରହି ଛାତ୍ର ଓ ଛାତ୍ରୀ ଦ୍ଵାରା ହୋଇଥିବା ବିଭିନ୍ନ ଷ୍ଟଲ୍ ବୁଲି ଦେଖିବା ସହ ପିଲାମାନଙ୍କୁ ପଚାରି ବୁଝିଥିଲେ। ଚଳିତ ବର୍ଷ ଉକ୍ତ କାର୍ଯ୍ୟକୁ ଓଡ଼ିଶା ସରକାରଙ୍କ ନୂଆ ଶିକ୍ଷାନୀତିରେ ୪ଟି ସ୍ତମ୍ବକୁ ନୂତନ ଭାବେ ଯୋଡ଼ି ଦେଇ ଶିକ୍ଷାର ସାମଗ୍ରିକ ବିକାଶ ନିମନ୍ତେ ଯେଉଁ ପଦକ୍ଷେପ ନେଇଛନ୍ତି, ତାହା ନିଶ୍ଚିନ୍ତ ଭାବେ ସ୍ବାଗତ ଯୋଗ୍ୟ ଓ ପ୍ରଶଂସନୀୟ ବୋଲି ଆଲୋଚନା ମତ ପ୍ରକାଶ ପାଇଥିଲା। ସାହିତ୍ୟ ସୃଜନୀ, ଭାଷାର ବିକାଶ, ସୃଜନଶୀଳତା ଓ ଜିଜ୍ଞାସା ଦ୍ବାରା ଛାତ୍ରଛାତ୍ରୀମାନେ ନିଜର ପ୍ରତିଭା ପ୍ରଦର୍ଶନ କରିପାରିବେ। କାର୍ଯ୍ୟକ୍ରମକୁ ଶିକ୍ଷକ ବାସୁଦେବ ରଣା, ମଳୟ ମଞ୍ଜରୀ ମହାନ୍ତି, ପ୍ରମାଦ କୁମାର ସାମଲ ଓ ନୀଳମଣି ସାହୁ ପ୍ରମୁଖ ପରିଚାଳନା କରିଥିଲେ।
Popular Categories
Previous article
Next article